ჟანა ანტიპოვას ახალი გამოფენა კავკასიურ სახლში
19 თებერვალს, კავკასიურ სახლში, ხელოვან ჟანა ანტიპოვას რიგით მეექვსე პერსონალური გამოფენა მოეწყო. მხატვარი-დიზაინერი ჟანა ანტიპოვა აქტიურად მუშაობს თექაზე და თბილისი მისი ულამაზესი ჩვენებების მომსწრეც ხშირად გამხდარა. ახალ გამოფენაზე, ძალიან უცნაურ და საინტერესო ფერწერულ ნამუშევრებთან ერთად, რომელიც თექით გახლდათ გაფორმებული, წარმოდგენილი იყო რამდენიმე თექის კოსტიუმიც. სულ ორმოცდაათამდე ნამუშევარმა გამოფენის დამთვალიერებელთა დიდი მოწონება დაიმსახურა და ჟანამაც უამრავი მილოცვა მიიღო. ასე რომ, გამოფენა წარმატებით გაიხსნა.