პასუხი: ამის თაობაზე გთავაზობთ მღვდელმონაზონ იოანეს გაფრთხილებას: „ყურადღებით იყავით საკუთარი თავის მიმართ, როდესაც გაჭირვებული კაცი მოგმართავთ დახმარებისთვის, ფარული მტრები ამ დროს გაშმაგებით გებრძვიან, რაც გულს გაგიქვავებთ, გაგაცივებთ და უგრძნობელს გაგხდით სხვისი გაჭირვებისადმი. უნდა სძლიოთ თავს და გადალახოთ ეს ქრისტეს საწინააღმდეგო განწყობილებანი. გააღვივეთ თქვენს გულში თანალმობიერი სიყვარული თქვენივე მსგავსი ადამიანის მიმართ, და რასაც გთხოვენ, შეძლებისდაგვარად აასრულეთ, რათა ქრისტე მაცხოვარმაც შეგიყვაროთ “.

პასუხი: მორწმუნემ ლოცვა აუცილებლად გონებითა და გულით უნდა წაიკითხოს. უფალი მხოლოდ ასეთ ლოცვას შეიწირავს. ამიტომ, როდესაც ლოცვისთვის დგებით, სათანადო განწყობის შექმნა გმართებთ, რათა ამსოფლიურ ვნებებს განეშოროთ. როდესაც მომზადებული იწყებთ ლოცვების წაკითხვას, უფრო გულმოდგინებით ილოცებთ.

პასუხი: ადამიანის სულს აქვს ცნობიერების უნარი და მასთან კონტაქტი ლოცვით მიიღწევა. ჩვენ გარდაცვლილთა სულებს ლოცვით ვეხმარებით იმქვეყნიურ ცხოვრებაში. ასევე, გარდაცვლილებიც ლოცულობენ ჩვენთვის. უდიდესი მადლი აქვს ეკლესიაში ლოცვას ღვთისმსახურების დროს მიცვალებულთა მოხსენიების დღეებში. რაც შეეხება გამოცხადებებს, ამ მოვლენას ჩვეულებრივი მოკვდავები დიდი სიფრთხილით უნდა მოეკიდონ, რადგან ხშირად ასეთი რამ ეშმაკის ხელითაც ხდება. ჭეშმარიტი ხილვები, ღვთის ნებით, უპირატესად წმიდანებს აქვთ. დაუშვებელია სულებთან კონტაქტისთვის სპირიტული სეანსების ჩატარება. ასეთი რამ ბოროტი ძალების დახმარებით ხდება, რაც ადამიანს უფალთან აშორებს და მიცვალებულთა სულებს აფორიაქებს.

პასუხი: ადამიანი ღმერთის მიმართ თავის ჭეშმარიტ სიყვარულს უფლის ათი მცნების ერთგულად დაცვით გამოხატავს.