ნოდარ დუმბაძე მამათში (ედუარდ შევარდნაძის სოფელი) მოხვდა სუფრაზე, სადაც შევარდნაძის კლასელიც იმყოფებოდა. ეს ის პერიოდია, როდესაც ედუარდ შევარდნაძე შინაგან საქმეთა მინისტრად ახალი დანიშნული იყო. კლასელი ერთ ამბავშია და სუფრაზე ყვება, თუ როგორ ძმაკაცობდა „ამბროსოვიჩთან“. ნოდარმა ითმინა, ითმინა მისი ტრაბახი და ბოლოს ჰკითხა:

– შენ და მინისტრს მისვლა-მისვლა თუ გაქვთო?

– მისვლა-მისვლა რა არისო? – დაინტერესდა „კლასელი“. ნოდარმა კი განუმარტა:

– ის შენთან არ მოვა და შენ თუ გიწევს მასთან სიარული, ანუ – მისვლა-მისვლაო.