რა გზა გაიარა დუშეთის მერმა და მისი მოკლე რეზიუმე:

  ზურაბ სეხნიაშვილმა დაამთავრა საქართველოს აგრარული უნივერსიტეტი და წლების განმავლობაში ეკავა სხვადასხვა თანამდებობა შრომის, ჯანმრთელობისა და სოციალური უზრუნველყოფის სამინისტროში, სოფლის მეურნეობის სამინისტროში, მცხეთა-მთიანეთის რეგიონული კონტროლის პალატაში და სხვა. რაც შეეხება ოჯახურ მდგომარეობას, ჰყავს მეუღლე და ორი შვილი. მეუღლე – ნინო თელიაშვილი; შვილები – გიორგი და ნანა.

– განსაკუთრებით მწვავე პრობლემას წარმოადგენს პირიქითა ხევსურეთის, გუდამაყრისა და მთიულეთის სოფლებთან დამაკავშირებელი გზები, რომელიც ზაფხულის პირობებშიც კი ძნელად გასავლელია, ხოლო ზამთარში იკეტება, რაც იწვევს მათ მოწყვეტას მუნიციპალიტეტის ცენტრისგან.

  მოთხოვნების დიდი ნაწილი უკავშირდებოდა სასმელი წყლის სისტემების მოწყობას და არსებული ქსელის რეაბილიტაციას. დღეისთვის დუშეთის მუნიციპალიტეტში სასმელი წყლის ქსელის საერთო სიგრძე თითქმის 300 კილომეტრს შეადგენს. წყალმომარაგების სისტემების გამართული ფუნქციონირება და ხარისხის უზრუნველყოფა ჩვენი ერთ-ერთი პრიორიტეტია და  ამავე დროს მოსახლეობის ერთ-ერთ ძირითად მოთხოვნასაც წარმოადგენს.

  პრობლემების მნიშვნელოვანი ნაწილი უკავშირდებოდა ჯანდაცვასა და სოციალურ სფეროს. მუნიციპალიტეტი წლებია, ახორციელებს პროგრამას, რომლის ფარგლებშიც არაერთ ადამიანს გაეწია დახმარება როგორც ჯანმრთელობის, ასევე სოციალური პრობლემების მოსაგვარებლად.

– მიუხედავად უამრავი პრობლემისა, მიმაჩნია, რომ ჩვენს მუნიციპალიტეტს კარგი პერსპექტივა აქვს ახლო მომავალში მდგრადი ეკონომიკური განვითარების მაღალი მაჩვენებლების მისაღწევად. ერთი მხრივ, ჯანსაღი ეკოლოგიური გარემო და ეკოლოგიურად სუფთა პროდუქცია, ისტორიულ-კულტურული ძეგლების მრავალფეროვნება, ეთნოგრაფიული მემკვიდრეობა, მუნიციპალიტეტის მდიდარი ბიომრავალფეროვნება, წყლის უხვი რესურსების არსებობა, დიდი ჰიდროენერგეტიკული პოტენციალი, სათიბ-საძოვრების დიდი რესურსი და ამავე დროს სატრანსპორტო, კულტურულ-საგანმანათლებლო, სასპორტო და სხვა
ინფრასტრუქტურული ობიექტების განვითარების მიზნით ბოლო პერიოდში განხორციელებული ღონისძიებები და მაღალმთიანი დასახლებების ხელშეწყობის სტიმულირების პროგრამები კარგ პერსპექტივას იძლევა ახლო მომავალში მუნიციპალიტეტის სწრაფი განვითარებისთვის.

– 2019 წლის წარმატებული პროექტებიდან განსაკუთრებით აღსანიშნავია დუშეთის ისტორიული ქუჩების, ცენტრალური პარკისა და შენობა-ნაგებობების რეაბილიტაცია. გზის საფარის, ტროტუარების, განათებების მოწყობა და სხვადასხვა ინფრასტრუქტურული სამუშაოები. რაც საქართველოს მუნიციპალური განვითარების ფონდის მსოფლიო ბანკის ფინანსური მხარდაჭერით განხორციელდა. პროექტის ღირებულება 5 მილიონს აღემატება. ადგილობრივი ბიუჯეტის დაფინანსებით ქალაქ დუშეთში და დაბა ჟინვალში მოასფალტდა თითქმის ყველა ქუჩა და საცხოვრებელი კორპუსის ეზო,  რაც 2020 წელსაც გრძელდება.

კეთილმოეწყო ანანურის სამონასტრო კომპლექსის მიმდებარე ტერიტორია, მოეწყო ტურისტული ინფრასტრუქტურა, პარკირების სივრცე და ძველი სავაჭრო დახლების ნაცვლად თანამედროვე ჯიხურები განთავსდა.

  აღსანიშნავია, რომ სოფელ შატილსა და სოფელ ახიელში მცხოვრები მოსახლეობის 24-საათიანი ელექტრომომარაგებით უზრუნველყოფის მიზნით დუშეთის მუნიციპალიტეტში 2 მცირე ელექტროსადგური აშენდა. მაღალმთიან სოფლებში მუდმივად მცხოვრებ 66 ოჯახს, რომელთაც ელექტროენერგია არ მიეწოდებოდათ, თანამედროვე მზის პანელები გადაეცათ.

  ეკონომიკისა და მდგრადი განვითარების სამინისტროს მხარდაჭერით, ფშავის, ხევსურეთისა და გუდამაყრის ხეობები ეტაპობრივად დაიფარა მაღალსიჩქარიანი ინტერნეტით.

  2019 წელს ასევე მუნიციპალიტეტის სოფლების ნაწილში დასრულდა გაზიფიცირების სამუშაოები, ხოლო ნაწილში წელსაც გრძელდება.

დუშეთის მუნიციპალიტეტი განსაკუთრებულ ყურადღებას აქცევს ბაღებისა და სკოლების შენობების რეაბილიტაციას, რომლებიც აღიჭურვა თანამედროვე  მოთხოვნების შესაბამისი ინვენტარით. ხოლო მაღაროსკარში, ბარისახოსა და შატილში სრულად რეაბილიტირდა სკოლა-პანსიონები. სამწუხაროდ, შატილში აღნიშნული შენობა დაიწვა, თუმცა უკვე მიმდინარეობს ახალი შენობის მშენებლობა.

– შემდგომი ერთი წლის განმავლობაში ვგეგმავთ უკვე დაწყებული და ნაწილობრივ განხორციელებული პროექტების დასრულებას, ასევე, მთელი რიგი ახალი პროექტების განხორციელებას მუნიციპალიტეტის წინაშე სადღეისოდ მდგარი გამოწვევების შესაბამისად. მათ შორის იგეგმება მუნიციპალიტეტის საგზაო ინფრასტრუქტურისა და წყალმომარაგების სისტემის მშენებლობა-რეაბილიტაცია, სატრანსპორტო მომსახურების გაუმჯობესება, გარე განათების მუნიციპალური ქსელის განვითარება, სკოლამდელი აღზრდის დაწესებულებების მატერიალურ-ტექნიკური ბაზის გაუმჯობესება და ასე შემდეგ. აუცილებლად გავაგრძელებ მუშაობას ინვესტიციების მოძიების მიმართულებით. აგრეთვე, სურვილი მაქვს შევიმუშავოთ მუნიციპალური პროგრამები ახალგაზრდებისთვის, რაც ხელს შეუწყობს ახალგაზრდა თაობის მეტ ჩართულობას ამ პროცესებში. ცხადია, ყველა გეგმის დეტალური ფორმულირება ერთი ინტერვიუს ფარგლებში შეუძლებელია, თუმცა პარტნიორობისა და ფართო საზოგადოების მონაწილეობის შემთხვევაში დარწმუნებული ვარ, რომ ჩამოთვლილზე გაცილებით მეტის გაკეთებასაც იოლად შევძლებთ.