№29 შეკითხვა ასტროლოგს
კითხვა: დავიბადე 1993 წლის 21 მაისს, 13 საათსა და 45 წუთზე. მაინტერესებს, რომელი ზოდიაქოს ნიშნის ქვეშ ვარ დაბადებული?პასუხი: თქვენ კუროს ზოდიაქოს ნიშნით ხართ დაბადებული. თუმცა, აქვე გეტყვით, რომ თქვენზე დიდია ტყუპების ზეგავლენა, რადგან 3-4 წუთის შემდეგ, თქვენი დაბადების მომენტიდან, მზე გადავიდა ტყუპების ზოდიაქოს ნიშანში.
კითხვა: დავიბადე 1972 წლის 9 იანვარს, ღამის პირველ საათზე. გთხოვთ, მითხრათ, რა არის ჩემი კარმული მისია?
პასუხი: თქვენი კარმული მისიაა, უკეთ წარმოაჩინოთ საკუთარი დადებითი თვისებები, ასევე, გახდეთ უფრო შეუპოვარი, ორგანიზებული, დისციპლინირებული, მიზანსწრაფული, მომთმენი, შრომისუნარიანი, ფულის ყაირათიანი მხარჯველი. უფრო მეტად იყავით ინტუიციური, დაასტაბილურეთ ურთიერთობები ოჯახში და ნათესავებთან. ასევე, იყავით პატრიოტი და ემსახურეთ თქვენს სამშობლოს. ეს თქვენთვის წარმატებების მომტანია ცხოვრებაში. უნდა გქონდეთ საკუთარი შესაძლებლობების გამოხატვის უნარი. ეს თქვენი კარმული მისიაა დედამიწაზე.
კითხვა: დავიბადე 1997 წლის 3 მაისს. რომელი ქვის ტარება მომიტანს წარმატებას?
პასუხი: თქვენთვის მისაღებია შემდეგი ასტროლოგიური ქვები: მალაქიტი, აქატი, ოქროსფერი ტოპაზი, ქრიზოპრაზი, ონიქსი, მარგალიტი, ალექსანდრიტი, მარჯანი, გიშერი, ზურმუხტი, ნეფრიტი და ჟადეიტი. ყველა ამ ასტროლოგიური ქვის ტარება წარმატებებს მოგიტანთ ცხოვრებაში.