№19 „ხულიგანი“ პროფესორი
მზექალა შანიძე ასეთ ისტორიას იხსენებს: „თამაზ გამყრელიძემ ძალიან ადრეულ ასაკში მიაღწია პროფესორობას. ის უკვე ამ სტატუსს ფლობდა, როდესაც ერთ დღეს ტროლეიბუსით ვმგზავრობდით. თამაზმა უნებლიეთ ერთ მოხუცს მხარი გაჰკრა და მაშინვე მოუბოდიშა. მოხუცი მაინც აბუზღუნდა, მაგრამ თამაზს პასუხი არ გაუცია, უბრალოდ, ჩაიცინა.
– იცინე, იცინე, მამაშენს პროფესორი არ გამოუხვიდე! – უთხრა მოხუცმა.
მე შევეცადე, მოხუცისთვის ამეხსნა, რომ თამაზი ნამდვილად პროფესორი იყო, თუმცა ამ კაცმა არ დაიჯერა.“