ქალაქის ყოფილ მერს, გიგი უგულავას ამჯერად ბრალი აეროპორტში მომხდარი ინციდენტის გამო წაუყენეს. კვირის თემების მიმოხილვისას გიგილოს მუშტი-კრივის ამბებს გვერდს ვერ ავუვლით. გიგა და გოკა ლარნაკაში მიფრინავდნენ და თბილისის  აეროპორტში, საპასპორტო კონტროლის გავლისას,  ჩხუბი და ფიზიკური დაპირისპირება მოუვიდათ საქართველოს ერთ-ერთ მოქალაქესთან. აეროპორტში მომხდარი დაპირისპირების საქმეზე გიგი უგულავას ბრალი წაუყენეს. ამის შესახებ „ევროპული საქართველოს“ ლიდერი Facebook-ზე წერს. მისი თქმით, დაპირისპირების ერთ-ერთი მონაწილე ბადრი გავაშელაშვილი დეპუტატს ცემის გამო უჩივის.

  „ჰოი, საოცრებავ. პოლიცია დიდსულოვნად მომადგა სახლში და ბრალს მიყენებენ 126-ე მუხლის პირველი ნაწილით, რაც პირის ცემას გულისხმობს   ვინმე ბადრი გავაშელაშვილი ყოფილა, ვინც მიჩივის, მცემაო. პროფესიით ძიუდოისტი. მე დავესხი თავს ძიუდოისტს“, – წერს უგულავა.