კატალოგი
პოლიტიკა
ინტერვიუები
ამბები
საზოგადოება
მოდი, ვილაპარაკოთ
მოდა + დიზაინი
რელიგია
მედიცინა
სპორტი
კადრს მიღმა
კულინარია
ავტორჩევები
ბელადები
ბიზნესსიახლეები
გვარები
თემიდას სასწორი
იუმორი
კალეიდოსკოპი
ჰოროსკოპი და შეუცნობელი
კრიმინალი
რომანი და დეტექტივი
სახალისო ამბები
შოუბიზნესი
დაიჯესტი
ქალი და მამაკაცი
ისტორია
სხვადასხვა
ანონსი
არქივი
მარტი 2020 (197)
თებერვალი 2020 (203)
იანვარი 2020 (194)
დეკემბერი 2019 (257)
ნოემბერი 2019 (207)
ოქტომბერი 2019 (245)

№49 „საქართველოს ბანკი“ მთელი რეგიონის მასშტაბით უპრეცედენტო, ინოვაციურ პროდუქტებს ნერგავს

ნინო კანდელაკი სოფი ლორია

საუკეთესო შეთავაზება და კომფორტული გადახდის სისტემა ერთგულ მომხმარებელს „საქართველოს ბანკისგან“

  მნიშვნელოვანი პროექტები, აქციები, სიახლეები, კლიენტის მაქსიმალურ კომფორტზე მორგებული მაღალი დონის მომსახურება – ეს „საქართველოს ბანკის“ პრიორიტეტია. სწორედ ამის გამო დღითიდღე იზრდება მომხმარებელთა რიცხვი და კმაყოფილი კლიენტების რაოდენობა.
  „საქართველოს ბანკი“ ამჯერადაც საინტერესო ინიციატივით გამოდის და გვთავაზობს მომხმარებლის კომფორტზე მაქსიმალურად მორგებულ პროექტს და მთელი რეგიონის მასშტაბით ინოვაციური პროდუქტების დანერგვას აანონსებს. მნიშვნელოვანია, რომ ბანკმა 2020 წელი ინოვაციების წლად გამოაცხადა. პირველად მთელს რეგიონში, „საქართველოს ბანკის“ მომხმარებელი მეტროთი მგზავრობას კამერის იდენტიფიკატორის, ეგრეთ წოდებული, Face Recognition-ით იგივე, „ღიმილით გადახდით“ შეძლებს. გადახდის ახალი სისტემა არის ინოვაციური პროდუქტი, რომლის ანალოგიც არათუ რეგიონში, არამედ ევროპის მასშტაბითაც კი არ არის დანერგილი. „საქართველოს ბანკი“ არის პირველი ბანკი, ვინც  „ღიმილით გადახდა“ არა მხოლოდ საქართველოში, არამედ CEMEA-ს (ცენტრალური ევროპის, ახლო აღმოსავლეთისა და აფრიკის) ქვეყნებში პირველმა დანერგა. Face Recognition-ით გადახდა  ინოვაციური, უსაფრთხო, მარტივი და სწრაფია. „ღიმილით გადახდისას“  ნახევარი წამიც კი საკმარისია, რომ მომხმარებელმა ბარათის გამოყენების ნაცვლად ტურნიკეტის კამერასთან მარტივად  გაიაროს იდენტიფიკაცია  და მგზავრობის საფასურიც გადაიხადოს. „ღიმილით გადახდა“ უკვე ავლაბრის მეტროშია შესაძლებელი. გადახდის ინოვაციური სისტემა Visa-სთან პარტნიორობის შედეგად დაინერგა.
  იმისათვის, რომ მომხმარებელმა შეძლოს ამ ულტრათანამედროვე პროდუქტით სარგებლობა,  ის უნდა ფლობდეს „საქართველოს ბანკის“ Visa-ის, Mastercard-ის ან  American Express-ის ბარათს. იმისათვის, რომ მომხმარებელმა დაუბრკოლებლად შეძლოს მგზავრობა, საჭიროა, გადაიღოს, ეგრეთ წოდებული, „სელფი“  მობილბანკში და დაუკავშიროს სასურველ ბარათს.  მას შემდეგ, რაც მოხდება მისი ფოტოს მონაცემთა ბაზაში ასახვა, ის შეძლებს, ისარგებლოს „ღიმილით გადახდით“. გადახდის ახალი სისტემა სრულიად დაცულია, რადგან უსაფრთხოების ყველა ასპექტი ვერიფიცირებული და სერტიფიცირებულია 3D კამერებისა და უსაფრთხოების სხვა პარამეტრების გათვალისწინებით.
  „ღიმილით გადახდის“ გარდა, სულ მალე „საქართველოს ბანკის“ მეშვეობით „ღიმილით განაღდება“ გახდება შესაძლებელი. ბანკომატიდან თანხის განაღდების შემთხვევაშიც აუცილებელი აღარ არის ბარათის გამოყენება. ამისათვის საჭიროა მხოლოდ ბანკომატის კამერასთან იდენტიფიკაციის გავლა, რის შემდეგაც მომხმარებელი კრეფს პინკოდს და ანაღდებს სასურველი ოდენობის თანხას.
  „საქართველოს ბანკი“ სულ მალე კიდევ ერთ, სრულიად ახალ, ინოვაციურ პროდუქტს – „გატერმინალებას“ წარადგენს. ეს ნიშნავს იმას, რომ ანდროიდის ტელეფონი გადახდის ტერმინალი ხდება. სიახლე განსაკუთრებით უწყობს ხელს ბიზნესს, რაც იმას ნიშნავს, რომ ბიზნესის მფლობელი გადახდების მიღებას მისი კუთვნილი ტელეფონით შეძლებს. ეს კი კიდევ უფრო მოსახერხებელი, მარტივი, მოქნილი და სწრაფია. ამისათვის კი საჭიროა, Android 5.0 სისტემის ტელეფონი NFC მხარდაჭერით. ახალი პროდუქტის მეშვეობით, მომხმარებელი გადახდას შეძლებს ყველგან (იქაც კი, სადაც მანამდე მხოლოდ ნაღდი ანგარიშსწორება ხდებოდა). მომხმარებელი და ბიზნესის წარმომადგენელი შეძლებენ, გადახდები უნაღდო ანგარიშსწორებით განახორციელონ და აღარ იფიქრონ ნაღდ ანგარიშსწორებასა თუ ხურდის მოძიებაზე. ინოვაციური გადახდის სისტემით სარგებლობა მარტივია. ამისთვის საჭიროა საბანკო  ბარათის ან  ტელეფონის   მხოლოდ ერთი შეხება.
  კიდევ ერთი ინოვაციური პროდუქტი, რასაც „საქართველოს ბანკი“ პირველი ნერგავს, სავაჭრო და მომსახურების წერტილებში თანხის ტერმინალით განაღდებაა. ეს იმას ნიშნავს, რომ თუკი მომხმარებელს ხელთ საჭირო თანხა  არ აღმოაჩნდება,  მას აქვს შესაძლებლობა, „საქართველოს ბანკის“ მერჩანტთან, სასურველი ნივთის შეძენასთან ერთად, ტერმინალით გაანაღდოს თანხა. ამისათვის კი საჭიროა მხოლოდ საბანკო ბარათი. მერჩანტის დახმარებით ბარათიდან  განხორციელდება სასურველი ნივთის ან მომსახურების შეძენა და იმავდროულად, თანხის განაღდებაც. მომსახურების დანერგვა მარკეტებში, აფთიაქებსა და სხვა სავაჭრო წერტილებში 2020 წლისთვის იგეგმება.
  კიდევ ერთი პროდუქტი, რასაც „საქართველოს ბანკი“ 2020-ში დანერგავს, ეს უნაღდო ანგარიშსწორებით, ეგრეთ წოდებული, „თიფის“, იგივე  „სამადლობელის“ დატოვებაა.  ეს იმას ნიშნავს,  რომ იმ შემთხვევაში, თუ კვების ობიექტებში – კაფეში, ბარში, რესტორანში მომსახურების სათანადოდ გაწევის შემდეგ მომსახურე პერსონალისთვის დამატებითი გასამრჯელოს დატოვება გსურთ, მაგრამ ნაღდი ფულის სახით საჭირო თანხა არ აღმოგაჩნდათ, ამ პრობლემას  „სამადლობელის“  ფუნქციის მქონე ტერმინალი მოაგვარებს. ამისთვის კი საჭიროა, მოითხოვოთ „საქართველოს ბანკის“ ტერმინალი და მასზე  ბარათის მხოლოდ ერთი მარტივი შეხებით გადაიხადოთ მომსახურების საფასური და დატოვოთ „სამადლობელი“.  ეგრეთ წოდებული, „თიფის“ გადახდა ნებისმიერი ბანკის ბარათით იქნება შესაძლებელი, თუმცა, მხოლოდ „საქართველოს ბანკის“ ტერმინალით.
  არჩილ გაჩეჩილაძე (საქართველოს ბანკის გენერალური დირექტორი): „საქართველოს ბანკი“ მუდმივად ზრუნავს, საკუთარ მომხმარებელს კიდევ უფრო მეტი კომფორტისთვის ინოვაციური პროდუქტები თუ სერვისები შესთავაზოს. ამჯერად ჩვენ მათ ინოვაციური პროდუქტების მთელ სერიას ვთავაზობთ. მოხარულები ვართ, რომ ჩვენ ყოველდღიურ რეჟიმში წარვადგენთ მომხმარებლისა თუ ბიზნესის ინტერესებზე მორგებულ სრულიად ინოვაციურ პროდუქტებს.  „საქართველოს ბანკი“ 2 მილიონზე მეტ მომხმარებელს ემსახურება, რაც დიდი პასუხისმგებლობაა და სწორედ ამიტომ, ჩვენთვის მნიშვნელოვანია, ოპერატიულად ვუპასუხოთ მომხმარებლის მუდმივად ცვალებად მოთხოვნებს და იმავდროულად, ხელი შევუწყოთ ბიზნესს მის სამომავლო განვითარებაში.

скачать dle 11.3