№40 ენაკვიმატი ედუარდი
1957 წელს თბილისში ჩატარდა ამიერკავკასიის რესპუბლიკების პირველობა კრივში ახალგაზრდებს შორის, რომლის ორგანიზატორი კომკავშირი იყო. ედუარდ შევარდნაძეს კრივი დიდად არ იტაცებდა, მაგრამ რადგან საქართველოს კომკავშირის პირველი მდივანი იყო, იძულებით ესწრებოდა ამ ღონისძიებას. ერთ-ერთ ფინალურ ბრძოლაში ქართველი მოკრივე გამოდიოდა, რომელიც მაინცდამაინც დიდი ოსტატობით არ გამოირჩეოდა. მეორე რაუნდი რომ დასრულდა, ლოჟაში მჯდომ შევარდნაძეს ერთ-ერთმა ხელქვეითმა ჰკითხა:
– როგორ ფიქრობთ, ბატონო ედუარდ, ჩვენიანი დაამარცხებს თუ მეტოქეო.
შევარდნაძემ მიუგო:
– ნოკაუტით თუ ვერ მოუგებს, მაი ისე იქნევს ხელებს, რომ ფილტვების ანთებას დამართებს და ისე დაამარცხებსო.