* ძველად ნებისმიერ ზღვაოსანს ეშინოდა მეკობრეების თავდასხმის, თუმცა უფრო მეტად უფრთხოდნენ ანდრაპოდისტებს – ისინი არა მარტო ძარცვავდნენ ხომალდებს, არამედ იტაცებდნენ ადამიანებს და მონებად ჰყიდდნენ.

* იაპონურ ხომალდზე „კონიკავა მარუ“ დადგმულია სისტემა, რომლის საშუალებითაც ხომალდის მართვა ხმით შეიძლება. ბრძანება სისტემის მიმართ უნდა გაიცეს ინგლისურ ენაზე, მაგრამ სისტემა არ ემორჩილება არც ინგლისელების, არც ამერიკელების, არც ავსტრალიელების გაცემულ მითითებებს, რადგან ავტომატური სისტემა რეაგირებს მხოლოდ იაპონური აქცენტით წარმოთქმულ ინგლისურ ფრაზებზე.

* როდესაც შვედი მხატვრის, ლინგსტერის სამი ნახატი გააყალბეს, მან ისარგებლა ერთ-ერთი გამომძიებლის სულ უბრალო რჩევით, რამაც შედეგი გამოიღო – მხატვარმა ნახატზე საკუთარი თითის ანაბეჭდები დატოვა.