პასუხი: ფარისებრი ჯირკვლის პათოლოგიები ნამდვილად არის არითმიის ერთერთი მიზეზი, მით უმეტეს, თუ არ იტარებთ მკურნალობას და/ან არ გადიხართ პერიოდულ კონტროლს ფარისებრი ჯირკვლის ფუნქციონირების შესაფასებლად. თუმცა, არითმია სხვა მიზეზებმაც შეიძლება გამოიწვიოს. აქედან გამომდინარე, თქვენ საჭიროებთ როგორც ენდოკრინოლოგის, ისე კარდიოლოგის კონსულტაციას.

პასუხი: სავარაუდოდ, დისჰიდროზული ეგზემა გაქვთ, ეს არის ეგზემის სახესხვაობა, რაც საოფლე ჯირკვლების მუშაობის დარღვევის შედეგია; დიაგნოზის დაზუსტებისა და მკურნალობის დასანიშნად აუცილებელია ექიმ-დერმატოლოგთან ვიზიტი.

პასუხი: ღამით აღმოცენებული წელის ტკივილი შეიძლება, მოუხერხებელი საწოლის ბრალი იყოს. გარდა ამისა, აღსანიშნავია, რომ წელის ტკივილი, რომელიც ღამით, დაწოლისას იჩენს თავს და მოძრაობისას ქრება, წელის  კუნთების რიგიდულობასაც ახასიათებს. ასეთ დროს მტკივნეული შეგრძნებები ადგომიდან დაახლოებით 5-10 წუთში გაივლის. ამ შემთხვევაშიც მნიშვნელოვანია მოხერხებული საწოლი. ცნობისთვის გეტყვით, რომ არსებობს სპეციალური ორთოპედიული ლეიბები.

პასუხი: თუ ბალანსირებული კვების მიუხედავად, წონაში იკლებთ, მაშინ გამოკვლევების ჩატარებაა საჭირო, რათა დადგინდეს, ხომ არ არის სიგამხდრის მიზეზი რაიმე პათოლოგია (თირეოტოქსიკოზი, კუჭ-ნაწლავის დაავადებები, დისბაქტერიოზი, ჭიებით ინვაზია და ასე შემდეგ). ამისათვის საჭიროა ზოგადი სამედიცინო გამოკვლევა თერაპევტის მეთვალყურეობით და კონკრეტული მიზეზის დადგენის შემთხვევაში, ჩატარდეს შესაბამისი მკურნალობა. თუ არანაირი პათოლოგია არ გამოვლინდა, მაშინ უნდა იკვებოთ ხშირ-ხშირად და გაზარდოთ საკვების კალორიულობა – რაციონში შეიტანოთ ცილებითა და ნახშირწყლებით მდიდარი პროდუქტები.