პასუხი: თუ მხოლოდ თქვენი ასაკის გამო გრცხვენიათ მონათვლა – ეს სრულიად უადგილოა. არანაირი დაბრკოლება არ გაქვთ, პირიქით, რაც შეიძლება, სწრაფად უნდა მოინათლოთ და გათავისუფლდეთ ამ განცდებისგან. ცნობილია, რომ ბევრი წმიდანი ხანდაზმულობის ასაკშია მონათლული, ხოლო თვით ქრისტიანობის დიდი ბურჯი – წმიდა კონსტანტინე სიკვდილამდე ცოტა ხნით ადრე მოინათლა.

პასუხი: ნებისმიერ მოძღვარს აქვს მიცემული სამღვდელო მსახურების მადლი, მაგრამ თავის მოძღვრად ადამიანი ირჩევს იმ მღვდელს, რომელსაც ნდობას გამოუცხადებს და მისგან სულის მხსნელ რჩევა-დარიგებებს მიიღებს. ასეთი კი არ შეიძლება, თქვენთვის ნებისმიერი მღვდელი იყოს. რასაკვირველია, აღსარებაზე არცერთი მღვდელი არ გეტყვით უარს, მაგრამ მომავლისთვის იზრუნეთ, რომ გყავდეთ თქვენი მოძღვარი, რომელიც საჭირო რჩევა-დარიგებებს მოგცემთ და დაგეხმარებათ, იაროთ ჭეშმარიტების გზაზე.

პასუხი: ზოგადად, როდესაც მეუღლეები ვეღარ ახერხებენ ერთად ცხოვრებას და ოფიციალურად განქორწინდებიან, მეორედ დაქორწინება შესაძლებელია, რომ ადამიანმა მრუშობისგან დაიცვას თავი. თუმცა აქ გასათვალისწინებელია, რა ურთიერთობა აქვთ ყოფილ მეუღლეებს, ჰყავთ თუ არა შვილები, როგორი რეაქცია აქვთ შვილებს ამ ყველაფერზე, არიან თუ არა ყოფილი მეუღლეები ჯვარდაწერილები და ასე შემდეგ. ყოველივე ამის გამო, მიბრძანდით მოძღვართან, დაელაპარაკეთ თქვენს კონკრეტულ შემთხვევაზე და ყველა ნიუანსის გათვალისწინებით ის მოგცემთ რჩევას, თუ როგორ უნდა მოიქცეთ.

პასუხი: წესისამებრ, ქრისტიანები გარდაცვალებიდან მესამე დღეს იკრძალებოდნენ. მიცვალებულის დიდი ხნით გაჩერება და გლოვა საერო ტრადიციაა, რაც ბევრ უხერხულობას ქმნის, ყველაფერთან ერთად ამ დროს ჭირისუფალი სულიერი და ფიზიკური ძალებისგან იფიტება. მთავარი კი მიცვალებულის სულისთვის ზრუნვაა და მისი დაკრძალვის გადადებით, ამას აფერხებთ. დაიცავით ზომიერება ყველაფერში და უფალი შეგეწევათ.

პასუხი: დაზიანებული ხატები უნდა დაიწვას ან სუფთა ადგილზე დაიმარხოს. თუმცა, შესაძლებელია მათი რესტავრირებაც.