კატალოგი
პოლიტიკა
ინტერვიუები
ამბები
საზოგადოება
მოდი, ვილაპარაკოთ
მოდა + დიზაინი
რელიგია
მედიცინა
სპორტი
კადრს მიღმა
კულინარია
ავტორჩევები
ბელადები
ბიზნესსიახლეები
გვარები
თემიდას სასწორი
იუმორი
კალეიდოსკოპი
ჰოროსკოპი და შეუცნობელი
კრიმინალი
რომანი და დეტექტივი
სახალისო ამბები
შოუბიზნესი
დაიჯესტი
ქალი და მამაკაცი
ისტორია
სხვადასხვა
ანონსი
არქივი
აგვისტო 2019 (144)
ივლისი 2019 (209)
ივნისი 2019 (208)
მაისი 2019 (254)
აპრილი 2019 (201)
მარტი 2019 (208)

№32 გაიგეთ თქვენი ფსიქოლოგიური ასაკი

ნინო კანდელაკი ელენე წულუკიძე

ფსიქოლოგები ამტკიცებენ, რომ სიბერე დგება მაშინ, როცა მას ამის უფლებას თქვენ აძლევთ და ბიოლოგიურ ასაკთან შედარებით, მნიშვნელოვანი ფსიქოლოგიური ასაკია.
  ტესტი დაგეხმარებათ, გაარკვიოთ, როგორ აღიქვამთ სამყაროს.
  თუ მოცემულობას ეთანხმებით, დაწერეთ 4 ქულა;
  თუ ნაწილობრივ ეთანხმებით – 3 ქულა;
  თუ მეტწილად არ ეთანხმებით – 2 ქულა;
  თუ საერთოდ არ ეთანხმებით – 1 ქულა.
* მე მშვენიერი იუმორის გრძნობა მაქვს;
* ინტუიცია არასდროს მღალატობს, მესმის რას გულისხმობენ სხვები;
* ვიცი, რომ მომავალში ბევრი სასიამოვნო რაღაც მელის;
* ადამიანებს მოსწონთ ჩემთან ურთიერთობა;
* ადამიანი მაშინაც მესიმპათიურება, როცა ჩემს შეხედულებებს არ იზიარებს;
* მე მიყვარს ბავშვები;
* მიყვარს თავსატეხების ამოხსნა;
* ვცდილობ, ყველა საქმე კარგად გავაკეთო;
* ყველა მოვლენის მიზეზი მაინტერესებს;
* ბევრი გატაცება მაქვს;
* ნებისმიერი ცვლილება უკეთესობისკენ არის;
* საქმეს, რომელსაც ვაკეთებ, სარგებელი მოაქვს ადამიანებისთვის;
* ზოგჯერ ოცნება მიყვარს;
* ნებისმიერი მუსიკა განწყობას მიმაღლებს;
* ინტერესით ვხვდები ახალ იდეებს;
* არ ვუშინდები სირთულეებს;
* გულიანად ვიცინი ხუმრობებზე;
* გარშემო ერთგული ადამიანები მყავს;
* ფიზიკური აქტივობებისგან სიამოვნებას ვიღებ;
* მიყვარს ადამიანების გაცნობა;
* მინდა, რაღაც ახალი ვისწავლო;
* ვცდილობ, ყოველთვის კარგად გამოვიყურებოდე;
* წვრილმანებს არ მივცემ უფლებას, ხასიათი გამიფუჭოს;
* მომწონს ჩემი ყოველდღიურობა;
* მე კიდევ გამოვავლენ ჩემს შესაძლებლობებს.
დაითვალეთ ქულები და ნახეთ შედეგები:
  თუ გაქვთ 75 ქულა და მეტი: ასაკის მიუხედავად, აღსავსე ხართ ენერგიითა და შესაძლებლობებით. საკუთარი თავის რწმენა გაქვთ და სულ წინ მიდიხართ. ოპტიმისტს და კეთილგანწყობილს სიბერე დიდხანს არ გემუქრებათ.
  50-75 ქულა: პრობლემებმა და სტრესმა ცოტა დაგასუსტათ, მაგრამ ისწავლეთ მათთან გამკლავება. ყოველდღიურობისგან ბოლომდე არ დათრგუნულხართ. ცოტა მეტი ოპტიმიზმი არ გაწყენთ.
  50 ქულაზე ნაკლები: ცხოვრებაში ბევრი გინახავთ და ყველაფრის ფასი იცით, მაგრამ აუცილებლად უნდა დაიჯეროთ, რომ კიდევ უამრავი რამაა საინტერესო. სიბერე ჯერ შორს არის და ნუ მოიახლოებთ.

скачать dle 11.3