პასუხი: გულმხურვალე ლოცვა მართლაც ძნელია, რადგან როდესაც ადამიანი ლოცვისთვის გაემზადება, მტრები, ანუ ბოროტი ძალები ცდილობენ, რომ ყველანაირად აცდუნონ ის და ყურადღება გაუფანტონ, რადგან არაფერი მოქმედებს მათზე ისე ძლიერად, როგორც ლოცვა. ამიტომ ადამიანი მუდმივად უნდა იყოს ფხიზლად და უფალი შეეწევა.

პასუხი: ხატები აღბეჭდავენ წმიდანების გამოსახულებებს და შესაბამისად, მათ ადგილი ცალკე, ოთახის  აღმოსავლეთ მხარეს უნდა ჰქონდეთ გამოყოფილი. არ არის სასურველი, ხატებთან თქვენი გარდაცვლილი ახლობლების სურათები დადოთ.

პასუხი: საქართველოს კათოლიკოს-პატრიარქის ტიტული „უწმიდესი და უნეტარესი“ 1917 წლის შემდეგ, ავტოკეფალიის აღდგენის დროიდან არის შემოღებული. მანამდე აღმოსავლეთ საქართველოს კათალიკოსი ატარებდა „უწმიდესის“ ტიტულს, ხოლო დასავლეთის – „უნეტარესის“.  ავტოკეფალიის აღდგენის შემდეგ კი კირიონ მეორე – საქართველოს კათალიკოსი გახდა „უწმიდესი და უნეტარესი“.

პასუხი: ქება ძალიან სახიფათოა. ამიტომ უნდა მოვერიდოთ მას, რადგან შესაძლოა, ადამიანის შექებით ის ხიბლის მდგომარეობაში ჩავაგდოთ და მან თავი მართლაც გამორჩეულ და განსაკუთრებულ ადამიანად წარმოიდგინოს. თავის მხრივ, თუ თქვენ გაქებენ, წმიდა მამათა გადმოცემით, ამ დროს უნდა გაიხსენოთ თქვენი ნაკლოვანებები და დიდი  მნიშვნელობა არ მიანიჭოთ საქებარ სიტყვებს, რადგან ეს შეიძლება, თქვენთვის დამაბრკოლებელი აღმოჩნდეს.

პასუხი: რადგან მეუღლესთან ერთ ჭერქვეშ ცხოვრობთ და შვილებს ზრდით, თუ თავს ქრისტიანად მიიჩნევთ, ჯვრისწერა აუცილებელია. შესაძლოა, იმიტომაც გაქვთ მეუღლის მიმართ ასეთი დამოკიდებულება, რადგან თქვენი ურთიერთობა არ არის უფლისგან ნაკურთხი. აუცილებლად დაიწერეთ ჯვარი.