№14 კითხვა-პასუხი
კითხვა: მაქვს განიერი სახის მოყვანილობა. სახის დათხელების ეფექტის მისაღებად მეგობარმა ბრონზერისა და გამაღიავებლის გამოყენება მირჩია. ზოგადად, რაში გამოიყენება ისინი, რა ადგილებში უნდა წავისვა და როგორ?
პასუხი: ბრონზერი გამოიყენება ბუნებრივი ბრწყინვალების ან სახის დათხელების მიზნით. ბრონზერის მცირე რაოდენობა, დიდი ზომის ფუნჯით უნდა გადაისვათ ისეთ ადგილებზე, სადაც მზის შუქი ბუნებრივად გხვდება: შუბლი, ღაწვები, ცხვირი და გვერდები. თუ სახის „დათხელება“ გინდათ, მაშინ გადაისვით ლოყებზე და ყბის ქვეშ, საფეთქლებთან და ცხვირის გვერდებზე. გამაღიავებელი კი, ნაზ შტრიხებს აძლევს სახის იმ ადგილებს, სადაც გაფერმკრთალება გჭირდებათ. ასევე, თუ სახის დათხელება გსურთ, სპეციალური კოსმეტიკური გამღიავებელი მცირე რაოდენობით წაისვით წარბის ქვეშ, სადაც წარბის ფორმა მრგვალდება. კარგად გადაინაწილეთ, რომ ზედმეტად თეთრი არ ჩანდეს. მოკლედ რომ ვთქვათ, ბრონზერით ამუქებთ და მინიმუმამდე დაგყავთ სახის კონტურები, გამღიავებლით კი ხაზს უსვამთ და აღიავებთ სახის რამდენიმე ადგილს.