კატალოგი
პოლიტიკა
ინტერვიუები
ამბები
საზოგადოება
მოდი, ვილაპარაკოთ
მოდა + დიზაინი
რელიგია
მედიცინა
სპორტი
კადრს მიღმა
კულინარია
ავტორჩევები
ბელადები
ბიზნესსიახლეები
გვარები
თემიდას სასწორი
იუმორი
კალეიდოსკოპი
ჰოროსკოპი და შეუცნობელი
კრიმინალი
რომანი და დეტექტივი
სახალისო ამბები
შოუბიზნესი
დაიჯესტი
ქალი და მამაკაცი
ისტორია
სხვადასხვა
ანონსი
არქივი
ივნისი 2019 (105)
მაისი 2019 (254)
აპრილი 2019 (201)
მარტი 2019 (208)
თებერვალი 2019 (255)
იანვარი 2019 (209)

№13 პომადის ტონალობა კანის, თვალის, თმის ფერისა და ტუჩის ფორმის მიხედვით შეარჩიეთ

ნინო კანდელაკი ანი რევია

რთული არ არის იმის გაგება, თუ რომელი ფერის პომადა მოგიხდებათ. ეს რომ ზუსტად განსაზღვროთ, უნდა გაითვალისწინოთ თქვენი სახის კანის, თმისა და თვალის ფერი და ამასთანავე, ტუჩის ფორმა.
თუ გინდათ გაიგოთ, რომელი ფერის პომადა მოუხდება თქვენს ვიზუალს, სახესა და კანის ფერს, უნდა გაითვალისწინოთ, რომ ქერა თმას ძირითადად, ნაზი ატმისფერი და ვარდისფერი უხდება; ჟღალ თმას – ტერაკოტა და წითელი; მუქ თმას კი –  ფაქტობრივად, ნებისმიერი ფერი.
თუ თხელი ტუჩები გაქვთ, ვიზუალურად მეტი მოცულობის მისანიჭებლად საუკეთესო საშუალებაა პერლამუტრნარევი, ნაზი ფერები ან ბლესკი. სქელი ტუჩების პატრონებმა კი, ბლესკი  არ უნდა იხმარონ და მკვეთრ ფერებსაც მოერიდონ.
წელს ძალიან აქტუალურია წითელი ფერის პომადა. თუმცა, ის ყველა ადამიანს როდი უხდება.
ტუჩსაცხი ისეთი კოსმეტიკური საშუალებაა, რომელიც ადვილად შეიძლება, მოხვდეს ჩვენს ორგანიზმში. ამიტომ, აუცილებელია, შეიძინოთ კარგი ხარისხის, რომელიც ჯანმრთელობისათვის მავნებელი არ არის. პირველ რიგში, არჩევისას და შეძენისას აუცილებელია, მოითხოვოთ შესაბამისი სერტიფიკატი, რომელიც კარგი ხარისხის პროდუქციას ყოველთვის აქვს.
პომადის ფერი ჰარმონიაში უნდა იყოს სახისა და თმის ფერთან. თუ გვაქვთ ღია ფერის კანი და ასევე, ღია ფერის თმა, თავი უნდა შევიკავოთ მკვეთრი ფერის პომადისაგან, რადგან ასეთი ფერების შეთანხმება, ძალიან ვულგარულად ჩანს. უმჯობესია, ასეთმა ქალბატონებმა შეარჩიონ სადა ფერის პომადა. თუ გაქვთ ღია ფერის კანი და მუქი ფერის თმა, მოგიხდებათ მკვეთრი ფერის პომადა. მათ შორის, წითელიც.
პომადის ფერის შერჩვისას წაისვით ის ხელის ზედაპირზე, ხელი მიიტანეთ სახესთან და ადვილად გაარკვევთ მოუხდება თუ არა ის თქვენი სახის კანის ფერს. ტუჩსაცხი აუცილებლად განათებულ ადგილას წაისვით, რომ არასწორმა განათებამ, არ მოგატყუოთ. მისი ხარისხის შესამოწმებლად კი, აიღეთ ქაღალდი, გაუსვათ ერთი სწორი ხაზი. ის პომადა, რომელიც არაერთგვაროვნად ისმება, არ არის ხარისხიანი. ტუჩის საცხი ადვილად უნდა ისმებოდეს ტუჩზეც, მალე არ უნდა სცილდებოდეს, მისი წასმისას ტუჩზე არ უნდა გრძნობდეთ წებოვნებასა და არასასიამოვნო სუნს. ის, ასევე, უნდა უძლებდეს მზის სხივებს. პომადის ზედაპირი კი უნდა იყოს ერთგვაროვანი. და, გაითვალისწინეთ, არცერთი პომადა ერთ წელზე მეტი არ შეინახოთ.
უმჯობესია, პომადა თქვენი ტუჩის ბუნებრივ ფერთან ერთი ან ორი ტონით მუქი შეარჩიოთ. ვარდისფერი და ღია წითელი კარგად ჯდება ყველა კანის ტონზე და თითქმის ყველა ჩაცმულობასა და თმის სტილს უხდება. ღია ფერის კანისთვის იდეალურია მარჯნისფერი წითელი ან მუქი წითელი ვარდისფერი ელფერით. საშუალო ან ფერმკრთალი კანისთვის – ვარდისფერი, მოცვის ფერი და აგურისფერი წითელი.  მუქი კანისთვის კი, წითელი, შინდისფერი ან ყავისფერი ელფერით.скачать dle 11.3