№7 რელიგიური ომი
ანუ თურქული მასტერკლასი
მაშინ, როდესაც საქართველოს ეკლესიას ლამისაა, დიდრონი ქვები დაუშინონ, მოტივით, რატომ დაუყოვნებლივ არ აღიარებს უკრაინის ეკლესიის ავტოკეფალიას, თურქეთის სახელმწიფომ, რომელიც ამ ეტაპზე რფ-ის სტრატეგიული მოკავშირეა, ფაქტობრივად, მასტერკლასი ჩაატარა.
სახელდობრ, თურქული გამოცემა „ჯუმჰურიეთი“ კონსტანტინოპოლის საპატრიარქოს წარმომადგენელთან (ვინმე პროფესორ ელპიდოფორ ლამბრინიადისს) აზუსტებს, ხომ არ უცდია ზეწოლა ანკარას, როდესაც უკრაინის ეკლესიის ავტოკეფალია სცანითო (იმიტომ რომ მოსკოვსა და ანკარას მეტად თბილი ურთიერთობები აქვთ). ის კი პასუხობს, რომ (მომყავს ციტატა): „ვლადიმირ პუტინმა ორჯერ სთხოვა რეჯეფ ერდოღანს, რომ უკრაინის ეკლესიის საკითხებში ჩარეულიყო. 2008 და 2018 წლებში. რეჯეფ ერდოღანმა ორჯერვე უარი განაცხადა კონსტანტინოპოლის საპატრიარქოს საქმეებში ჩარევაზე“, მოტივით, რომ თურქული სახელმწიფო არ ერევა რელიგიურ სფეროში და კონსტანტინოპოლის საპატრიარქო დამოუკიდებელია.
აქედან გამომდინარე კი, თუ მავანთ საქართველოს ეკლესიის ბედი, მაინცდამაინც, არ აღელვებთ, იქნება, ერდოღანის მიზანშეწონილობის მანერა მაინც გადაეღოთ?!