№5 თავების დაყრის მოლოდინში
სანამ გეოპოლიტიკურმა ცენტრმა უკვე ლათინურ ამერიკაში გადაინაცვლა და რფ მსოფლიოს ერსა და ბერს მოუწოდებს, არ ჩაერიონ ვენესუელის შიდა საქმეებში (არადა, მოდი და, ნუ ჩაერევი ნავთობის ამხელა მარაგში?!), თავად რუსეთში პროდუქტები (რაც დარჩათ) 20-30 პროცენტით გაძვირდა, პურიც კი. ხოლო, რაკი რუსული ხელისუფლება ისევ კარგად ცხოვრობს, ხალხს რომ ეჭვი არ გაუჩნდეს, იქ, ზემოთ, ჩვენზე მაძღრად არიანო, ჩრდილოეთში გადაწყდა, რომ მინისტრთა კაბინეტის „ღია მთავრობის“ დეპარტამენტს ახალ სტრუქტურად გადააკეთებენ, რომლის მიზანიც საზედამხედველო-მაკონტროლებელი იქნება. რასაც ჯერ კიდევ იანვრის შუა რიცხვებში დმიტრი მედვედევმა „რეგულარული გილიოტინა“ უწოდა. გილიოტინის მიზანია (როგორც თავად ამბობენ) ბიზნესზე ადმინისტრაციული ზეწოლის ორჯერ შემცირება, იმას გარდა, რომ ამ რეფორმის შედეგად, იმედოვნებენ, ლეტალური შემთხვევების, ასევე, ორჯერ შემცირებას, მატერიალური ზარალისას კი – 30 პროცენტით. რთული სათქმელია, რატომ უწოდეს ამ კეთილშობილურ საქმეს „გილიოტინა“, მიუხედავად იმისა, რომ, სახელდობრ, ჩვენ არაფერი გვექნება საწინააღმდეგო, ერთი-ორი თავი გვენახა მასზე დაგორებული.