№51 კითხვა-პასუხი
კითხვა: რომელი პროდუქტის მირთმევა აფერხებს ნაადრევი სიბერის ნიშნების გამოვლენას?
პასუხი: არსებობს უამრავი პროდუქტი, რომელიც აჯანსაღებს ორგანიზმს და აფერხებს დაბერების პროცესს. მათ შორისაა ბროკოლი, რომელიც სიბერესთან ბრძოლის იდეალური საშუალებაა. მასში უხვადაა ანტიოქსიდანტები, კაროტინოიდები და C ვიტამინი. ეს ბოსტნეული, რაც შეიძლება, ხშირად უნდა მიირთვათ; ხახვი წმენდს სისხლს, აქვეითებს, ეგრეთ წოდებული, ცუდი ქოლესტერინის დონეს, სასარგებლო ნივთიერებათა შემცველობის წყალობით აფერხებს დაბერების პროცესს; ნიგოზი და ნუში – ორივე მდიდარია ლიზინით, რომელიც უნარჩუნებს ტვინს ფუნქციობას და ახალგაზრდობას. ნუშში 5-ჯერ მეტი სასარგებლო საკვები ნივთიერებაა, ვიდრე კვერცხში და 9-ჯერ მეტი, ვიდრე რძეში; კივი მდიდარია P ვიტამინით, რომელიც კარგია სისხლძარღვებისთვის. მასში შემავალი მინერალები, ცილები და ლიპიდები აფერხებენ დაბერების პროცესს, იცავენ ადამიანის ორგანიზმს პათოლოგიებისგან; დაბერების პროცესის შენელებისათვის მეტად მნიშვნელოვანია კვერცხი, რძე, სოკო, ზღვის პროდუქტები, შოკოლადი, სტაფილო, ისპანახი, პომიდორი, კომბოსტო და ციტრუსები.