კითხვა: ჩემი ვაჟი 1995 წლის 30 ივლისს, დილის 7 საათზე დაიბადა. თუ ურჩევთ უცხო ქვეყანაში სწავლის გაგრძელებას და ზოდიაქოს რომელი ნიშნით დაბადებულს დაუკავშიროს პირადი ცხოვრება?
პასუხი: უცხოეთი მისთვის საშუალოა, ამიტომ, დროებით, გამოცდილების მიღების მიზნით, კვალიფიკაციის ასამაღლებლად ცუდი ნამდვილად არ არის. სასიყვარულო პარტნიორად კი კარგია ქალწული, მერწყული, სასწორი, მშვილდოსანი, ტყუპები. არ არის სასურველი ურთიერთობა ვერძთან.
კითხვა: დავიბადე 1978 წლის 1 ნოემბერს, დილის საათებში. მინდა უცხოეთში წასვლა და მუშაობა. თუ არის უცხოეთი ჩემთვის ასტროლოგიურად მისაღები და, კერძოდ, რომელ ქვეყანას მირჩევთ?
პასუხი: უცხოეთი თქვენთვის საშუალოა, ამიტომ, შეგიძლიათ, თქვენი ძალები მოსინჯოთ, თუმცა, დიდ წარმატებებს ნუ ელით. ქვეყნებიდან მისაღებია: პორტუგალია, ბრაზილია, ვიეტნამი, ჩინეთი, ფილიპინები, ტაილანდი, ავსტრალიის ცენტრალური მხარე, ახალი ზელანდია, ისრაელი, სამხრეთ კორეა, ფინეთი, ინდოეთის აღმოსავლეთი ნაწილი, პაკისტანი, კუნძული მალტა, იტალია, სან-მარინო, ესპანეთი, ავსტრია.
კითხვა: დავიბადე 1994 წლის 3 მაისს. რომელი ზოდიაქოს ნიშნის ქვეშ დაბადებული ადამიანია ჩემთვის უფრო მისაღები სასიყვარულო ურთიერთობისთვის და რომელს მოვერიდო?
პასუხი: თქვენთვის სასიყვარულო სფეროში მისაღები და კარგია ურთიერთობა კუროს, თხის რქის, ქალწულის, კირჩხიბისა და თევზების ზოდიაქოს ნიშნის ქვეშ დაბადებულ ადამიანებთან. ხოლო, სიფრთხილე უნდა გამოიჩინოთ მორიელის ზოდიაქოს ნიშნის ქვეშ დაბადებულ ადამიანთან.
скачать dle 11.3