* აცტეკებში კაუშოლოტლი იყო ვულკანური ცეცხლის ღმერთი. ის, ასევე, იყო მწარე წიწაკის მფარველი, რომელსაც აცტეკები იარაღადაც იყენებდნენ: მტრისკენ მიმართული ქარის დროს ანთებულ ნაკვერცხლებზე ყრიდნენ.
* იაკუტიელები ციმბირში მეთოთხმეტე საუკუნეში დასახლდნენ და დღეს იქ ყველაზე მრავალრიცხოვანი ხალხია. მათი ფოლკლორული  ლექსი კაცობრიობის ისტორიის შესახებ – „ოლონხო“, რომელიც 36 000 სტრიქონისგან შედგება, „იუნესკომ“ ზეპირსიტყვაობის შედევრად გამოაცხადა. მას სპეციალური მთქმელები დღესასწაულებზე 7 დღე-ღამის განმავლობაში წარმოთქვამდნენ.
* იაპონელი მაღალი წრის ქალები საერთოდ არ გამოდიოდნენ ქუჩაში. თუ გამოდიოდნენ, საზიდარში ძალიან ღრმად ისხდნენ, ისე, რომ მხოლოდ თავები უჩანდათ. როგორც ამბობენ, სწორედ ამან შეუწყო ხელი იაპონური თეატრის, ბუნრაკუს ჩამოყალიბებას, სადაც ქალების თოჯინები მხოლოდ თითებზე წამოცმული „თავებია“.скачать dle 11.3