№43 ვირი და მაიმუნი
შესანიშნავი საბჭოთა მსახიობი ზინოვი გერდტი გამხდარი, ჩია ტანის კაცი და უწყინარი ადამიანი იყო, მაგრამ – სიფხიზლეში, როცა დათვრებოდა, სითამამე ემატებოდა ხოლმე და დიდი ტანის ადამიანებს ჩხუბს უწყებდა და მათ მუშტიკრივზე იწვევდა.
ერთხელ, გერდტი და დოდო აბაშიძე მოსკოვში, ერთ სუფრაზე მოხვდნენ. რომ დათვრა, გერდტმა დოდო ამოიჩემა და საჩხუბრად გამოიწვია. დოდო როგორი დამრტყმელი იყო, ყველას მოგეხსენებათ. დახედ-ჩახედა გერდტს და ირონიით უთხრა:
– რომ მომერიო, იტყვიან – ამ მაიმუნმა ამხელა კაცი როგორ ცემაო. ხოლო მე რომ მოგერიო – ამ ვირმა ამ ნახევარკაცზე ხელი როგორ ასწიაო... ჩხუბზე თანახმა არ ვარო...