№40 ნერვული სისტემის მკურნალი მცენარეული საშუალებები
ხალხურ მედიცინაში ნერვული სისტემის სამკურნალოდ უამრავ მცენარეს იყენებენ:
* ძალიან კარგი დამამშვიდებელი ეფექტი აქვს კალენდულას ჩაის. დაასხით მას 200 მილილიტრი მდუღარე წყალი. როცა გაგრილდება, გადაწურეთ და მიიღეთ ნახევარი ჩაის ჭიქა დღეში 2-3-ჯერ.
* სტრესის მოხსნასა და უძილობის დაძლევაში დაგეხმარებათ დამამშვიდებელი მცენარეული აბაზანები ძილის წინ. ამისთვის უნდა მოამზადოთ აბზინდის, როზმარინისა და ბარამბოს ნაყენების აბაზანა. აიღეთ 5 სუფრის კოვზი მცენარე (შერეული ან ცალ-ცალკე), დაასხით ნახევარი ლიტრი მდუღარე წყალი, ნახევარი საათით ჩადგით წყლის აბაზანაში, მერე გადაწურეთ და წყლით სავსე აბაზანაში ჩაასხით. დამამშვიდებელი აბაზანის ხანგრძლივობაა 10-15 წუთი.
* ნერვული სისტემის მოსაწესრიგებლად კარგია ეს არომატული აბაზანაც: აიღეთ ბარამბო, 1 წილი როზმარინი, 1 წილი სალბი, 1 წილი ლავანდა, 1 წილი პიტნა. 500 გრამ ნარევს დაასხით 3 ლიტრი წყალი, გააჩერეთ ნელ ცეცხლზე 15 წუთი, გადაწურეთ და ჩაასხით თბილი წყლით სავსე აბაზანაში. აბაზანის ხანგრძლივობა 15 წუთია. პროცედურის კურსი 8-15 აბაზანას მოიცავს.
* დიდი ტევადობის ჭურჭელში ჩაყარეთ 3,5-4 კილოგრამი ნაძვის წიწვები, დაასხით 6 ლიტრი წყალი და ადუღეთ 10 წუთის განმავლობაში ნელ ცეცხლზე. ნახარში გადაწურეთ, ჩაასხით აბაზანაში და დაუმატეთ 1 კილოგრამი ზღვის მარილი, სურვილისამებრ – ვალერიანიც. წყლის ტემპერატურა +37 გრადუსი უნდა იყოს. აბაზანა მიიღეთ ნახევარი საათის განმავლობაში კვირაში 2-3-ჯერ, რის შემდეგაც მიირთვით მცენარეული ჩაი. მოსამზადებლად აიღეთ 2 წილი სვიის გირჩა, 1 წილი გვირილა, 1 წილი ვალერიანის ფესვები, 1 წილი ბარამბო. დაასხით 1 ჩაის ჭიქა მდუღარე წყალი, გააჩერეთ 15 წუთი და დალიეთ 1 კვირის განმავლობაში. ჩაიში შეგიძლიათ დაამატოთ თაფლი და ლიმონი. ასევე შეგიძლიათ მიიღოთ კუნელის ნახარში და დააყოლოთ შოკოლადი და ქიშმიში.
* თავშავას სპირტიანი ნაყენი, რომელსაც ასევე დამამშვიდებელი ეფექტი აქვს, ასე უნდა მომზადდეს: ნახევარი ჩაის ჭიქა 70-პროცენტიანი სპირტი დავასხათ 20 გრამ თავშავას დაქუცმაცებულ ფოთოლს, გავაჩეროთ 2 კვირა და გადავწუროთ. 40 წვეთი გავაზავოთ 1,3 ჩაის ჭიქა თბილ წყალში და მივიღოთ დღეში 3-ჯერ.
* ყველაზე ფართოდ გამოყენებული მცენარეული დამამშვიდებელი საშუალებაა კატაბალახას ფესვების სპირტიანი ნაყენი. წვრილად დაჭრილ 1 წილ ფესვს დაასხით 5 წილი 70-პროცენტიანი სპირტი, გააჩერეთ სიბნელეში 1 კვირა და გადაწურეთ. მიიღეთ 1,3 ჩაის ჭიქა წყალში გახსნილი 20-30 წვეთი დღეში 3-ჯერ.
* მომატებულ აღგზნებადობასა და გაღიზიანებას სწორედ კატაბალახას ნაყენით ებრძვიან. 1 სუფრის კოვზი კატაბალახას ძირი მოათავსეთ თერმოსში და დაასხით 1 ჩაის ჭიქა მდუღარე წყალი. ნაყენი მთელი ღამით გააჩერეთ, მერე კი მიიღეთ მესამედი ჭიქა დღეში 3-ჯერ. გაითვალისწინეთ: მკურნალობა არ შეიძლება, 2 თვეზე მეტხანს გააგრძელოთ.
* შერყეული ნერვული სისტემის სამკურნალოდ ეფექტურია კუნელის გამხმარი ნაყოფის ჩაი. აიღეთ 1 სუფრის კოვზი კუნელი და დაასხით 1 ჩაის ჭიქა მდუღარე წყალი. გააჩერეთ 2 საათი, მერე გადაწურეთ. უნდა მიიღოთ 1-2 ჩაის კოვზი ნაყენი დილით, შუადღისას, საღამოს და უშუალოდ ძილის წინ. ეს ჩაი, გარდა იმისა, რომ ამშვიდებს ნერვულ სისტემას, ასევე, კარგია თავბრუხვევის, ქოშინისა და ჰიპერტონიის წინააღმდეგ.
* თუ ჭარხლის წვენს შეურევთ თაფლს 1:1 თანაფარდობით, შესანიშნავ დამამშვიდებელ საშუალებას მიიღებთ. ეს ნარევი შეგიძლიათ დალიოთ ნახევარი ჩაის ჭიქა დღეში 3-ჯერ. მკურნალობის კურსი 10 დღეა.
ხალხურ მედიცინაში დამამშვიდებელ საშუალებად დიდი ხანია, წარმატებით იყენებენ თავშავას. ამ მცენარის ნაყენი ამცირებს გულისცემას, დაბლა სწევს არტერიულ წნევას ამშვიდებს ნერვულ სისტემას – დამაშვიდებელი ეფექტით თავშავა კატაბალახასაც კი სჯობს. 1 სუფრის კოვზ თავშავას დაასხით 1 ჩაის ჭიქა მდუღარე წყალი და გააჩერეთ ნახევარი საათი. გადაწურეთ და მიიღეთ 1-2 სუფრის კოვზი დღეში 3-ჯერ, ჭამამდე ნახევარი საათით ადრე.
* ეფექტური დამამშვიდებელი საშუალებაა ყვავილის ფურცლების ნაყენი. 1 ჩაის ჭიქა წყალზე აიღეთ ნახევარი ჩაის ჭიქა თეთრი გლადიოლუსისა და თეთრი ვარდის და 2 სუფრის კოვზი თეთრი ფლოქსის ფურცელი. დააყენეთ სიბნელეში1 კვირით და დაუმატეთ 1 ჩაის კოვზი სოდა. მიიღეთ თითო სუფრის კოვზი დღეში 3-ჯერ, ჭამამდე ნახევარი საათით ადრე.