№35 ფიანდაზად
ანუ მტლად დადებულები
მაშინ, როდესაც რუსული მედია ლარსის გამშვებ პუნქტზე ტურისტულ „საცობზე“ ვაივიშობს – რუს ტურისტებს დიდხანს უწევთ რიგში დგომაო, საქართველოს ფინანსთა მინისტრი გვაცნობებს, რომ ქვეყანაში იკრძალება ხორბლისა და ფქვილის ავტომანქანებით შემოტანა.
რატომ?
იმიტომ რომ სასაზღვრო-გამშვებ პუნქტზე დიდი რიგები იქმნება და ტურისტებს ხელი ეშლებათო.
ცხადია, ტურიზმისგან შემოსავალიც, ისევე, როგორც ხორბლისა და ფქვილის შემოტანიდან საქართველოს მოქალაქეების ჯიბეებზე აისახება (ოღონდ ეს არ ნიშნავს, რომ ერთის ხარჯზე მეორე უნდა გაკოტრდეს) და ისიც ფაქტია, რომ ტურისტებს კომფორტი უნდა შეუქმნა (იმის მიუხედავადაც, რომ ფრიად დისკომფორტია, მაინცდამაინც, ოკუპანტი ქვეყნის მოქალაქე ტურისტისთვის კომფორტის შექმნა).
მაგრამ გაუგებარია, რატომ იხრება სამართლიანობის პინა აპრიორი ტურისტის სასარგებლოდ და არა, მაგალითად, ჩვენებური მეწარმისკენ?!
ხოლო, რაკი ისევ სა-უცხო-ობის პრინციპი ყოფილა წამყვანი, იმედია, ერთ მშვენიერ დღეს არ აგვყრიან, ტურისტებისთვის ადგილი აღარ რჩებაო?!