კითხვა: მაინტერესებს ჰორმონური დარღვევები, ჰიპოთირეოზი და ჰიპერთირეოზი ახდენს თუ არა გავლენას ქალის ჯანმრთელობაზე, როგორც ფიზიკურ ისე ფსიქოლოგიურ ასპექტში?
პასუხი: დიახ, რასაკვირველია ახდენს, რადგანაც ეს ყველაფერი ჰორმონდამოკიდებული პროცესია, ქვეითდება ლიბიდო და კიდევ მეტიც, შვილოსნობაზეც მოქმედებს.
კითხვა: საყლაპავის ეროზიების და ნაღვლის ბუშტის ანთების დროს შეიძლება თუ არა რძის მიღება და რა რაოდენობით?
პასუხი: შეგიძლიათ, თბილი რძის დალევა, მაგალითად, დღეში – ერთი ჭიქა.
კითხვა: ვარ 16  წლის და ხშირად „მეჭიმება“ კუნთები. ვიცი, რომ ამას ორგანიზმში კალციუმის ნაკლებობა იწვევს და ვცდილობ, კალციუმით მდიდარი საკვები მივიღო. რაიმე დანამატის (პრეპარატის) მიღებას ხომ ვერ მირჩევდით?
პასუხი: კუნთების დაჭიმვა კალციუმთან ერთად კალიუმის დეფიციტის შედეგიცაა. შესაძლოა, რაიმე მიზეზით დიდი რაოდენობით სითხეს კარგავთ და ორგანიზმი ამგვარად რეაგირებს აღნიშნული მიკროელემენტების დეფიციტზე. შეგიძლიათ, მიიღოთ კალიუმის შემცველი პრეპარატები 2 კვირის განმავლობაში, მათ შერჩევაში ფარმაკოლოგები დაგეხმარებიან.
კითხვა: ჩემს 7 თვის პატარას აქვს რაქიტი. ექიმმა დაუნიშნა D ვიტამინი – 2 წვეთი დღეში 3-ჯერ და კალცი ქეა. განკურნებადია ეს დაავადება? ან ეს წამლები საკმარისია? რომ გაიზრდება, რაიმე დეფექტი ხომ არ დარჩება?
პასუხი: დროული და ადეკვატური მკურნალობის პირობებში ბავშვი სრულიად გამოჯანმრთელდება. მკურნალობის დაგვიანების შემთხვევაში, შეიძლება, ძვალსახსროვანი სისტემის დეფორმაცია დარჩეს.
რუბრიკას უძღვება ოჯახის ექიმი
მაია ნუცუბიძე
скачать dle 11.3