№26 ეს საინტერესოა
* სპარტელს, სურვილის შემთხვევაში, დაცვის სამსახურიდან ათავისუფლებდნენ, თუ მას სამი ვაჟი ჰყავდა. ხუთი ვაჟის მამა ყველა ვალდებულებისგან თავისუფლდებოდა.
* . 1906 წელს რადიოტელეგრაფთა საერთაშორისო კონფერენციაზე უბედურების სიგნალად დამტკიცდა დღეს ყველასთვის ცნობილი SOS. თუმცა ყველა ხომალდზე მისი გამოყენება მხოლოდ „ტიტანიკის“ დაღუპვის შემდეგ, 1912 წელს დაიწყეს.
* ბაბილონის მეფის, ჰამურაბის კანონებში შეტანილი იყო უამრავი დადგენილება, ბრძანება, ინსტრუქცია, მათ შორის შენობებისა და ნაგებობების აგებაზეც... და ერთადერთი მიღება-ჩაბარების წესი – თუ შენობა ჩამოინგრეოდა და ვინმეს მოიყოლებდა, მშენებელი სიკვდილით ისჯებოდა.