№21 ეს საინტერესოა
* ცისარტყელას მრავალფეროვნების შესწავლისას, ლეონარდო და ვინჩიმ შეამჩნია, რომ იგივე თვისება აქვს ფრინველის ბუმბულსაც და დამდგარ წყალში მყოფ დამპალ კუნძსაც, ძვირფას ქვებს და წყლის ზედაპირზე მოტივტივე ცხიმსაც.
* სპარტაში მოედანი, სადაც კრებები იმართებოდა, უბრალოებით გამოირჩეოდა – არანაირი მორთულობა, მზისგან დამცავი თავშესაფარიც კი არ იყო. ამას სპარტელები პრაქტიკული მოსაზრებით ხსნიდნენ – ორატორებს სილამაზე და კომფორტი ხელს შეუშლიდათ.
* ბიბლიომანტია წიგნით მკითხაობას ნიშნავს. ქრისტიანობის წლებში ბიბლიით მკითხაობდნენ, მანამდე – ვირგილიუსის „ენეიდით“, „ენეიდამდე“ კი – ჰომეროსის წიგნებზე.
* მეოცე საუკუნის 60-იან წლებში იაპონიის ქალაქებში მოსახლეობის ზრდამ საზოგადოებრივი ტრანსპორტის გადატვირთვა გამოიწვია. ხალხს უჭირდა ტრანსპორტში ასვლა, მოძრაობა და ჩამოსვლა. იაპონელებს მგზავრობა გაუადვილა ხელოვნური ბოჭკოვანი ქსოვილისგან შექმნილმა მაშინდელმა მოდურმა ნეილონის ლაბადებმა, რომლებშიც გამოწყობილ მგზავრებს შორის ძალიან მცირე იყო ხახუნის ძალა.