№17 ამაოდ გაბრექილი
ბევრი ებრიქა ეს ჩვენი ოკუპანტი რფ ჩვენსავე სტრატეგიულ პარტნიორ აშშ-ს, მაგრამ სირიაში მისი მოკავშირეების ბაზების დაბომბვა დედის რძესავით შეირგო, განაცხადა რა, რომ ის ტერიტორიები რფ-ის პასუხისმგებლობის ზონაში არ შედიოდა.
თუმცა რფ-ის ჯერ კიდევ საგარეო საქმეთა მინისტრმა სერგეი ლავროვმა განაცხადა, რომ რფ-სა და დასავლეთს შორის ურთიერთობა იმაზე უარესია, ვიდრე ცივი ომის დროს (რუსოფობია შეეყარათო).
საინტერესოა, რომ სირიულ ქალაქ დუმაში (სადაც, დასავლეთის განცხადებით, ასადმა ქიმიური იარაღი გამოიყენა) არ უშვებენ საერთაშორისო დამკვირვებლებს, რომ მათ დაადგინონ, მართლაც გამოიყენა თუ არა სირიის ხელისუფლებამ აკრძალული იარაღი, რაც (ანუ არშეშვება) მოქმედების რუსული სტილია, იმიტომ რომ საერთაშორისო დამკვირვებლებს არც ცხინვალში უშვებენ, რათა გაირკვეს, ბოლოს და ბოლოს, ვისმა ბომბებმა დაანგრია 2008 წელს ქალაქი ცხინვალი.