№17 „ომში მივდივარ“
ანუ სამოქალაქო ლომები
საქართველოს ეთნიკურად ქართველ მოქალაქეებს ოკუპანტ-სეპარატისტები პანტა-პუნტით იტაცებენ და არც არანაირი მექნიზმი არ არსებობს ამის თავიდან ასაცილებლად.
ან კი როგორ იარსებებს, როდესაც რფ-ის მხოლოდ აშშ-ური რაკეტების წინააღმდეგ არ მიაჩნია ცა ქუდად და დედამიწა – ქალამნად.
ამის პასუხად დავით ქაცარავამ (უკვე შეიძლება, ითქვას საპროტესტო აქციების მამამ) განაცხადა, რომ სხვა მოქალაქეებთან ერთად ლარსის საბაჟო-გამშვები პუნქტიდან რუსულნომრიან ავტომანქანებს არ გამოატარებს, თუმცა სხვა ქვეყნისნომრიან ავტოებს ეს შეზღუდვა არ შეეხებათ.
დღესავით ნათელია, რომ ოკუპანტ-სეპარატისტები თავს გავიდნენ და უფრო მეტადაც გავლენ, იმიტომ რომ ძალა აღმართს ხნავს, თუმცა, მეორე მხრივ, შენ რუსულნომრიანი ტანკების შეჩერება თქვი, თორემ მხოლოდ რუსულნომრიანი სამოქალაქო ავტომანქანების არგამოტარება რა ბედენაა?!