კატალოგი
პოლიტიკა
ინტერვიუები
ამბები
საზოგადოება
მოდი, ვილაპარაკოთ
მოდა + დიზაინი
რელიგია
მედიცინა
სპორტი
კადრს მიღმა
კულინარია
ავტორჩევები
ბელადები
ბიზნესსიახლეები
გვარები
თემიდას სასწორი
იუმორი
კალეიდოსკოპი
ჰოროსკოპი და შეუცნობელი
კრიმინალი
რომანი და დეტექტივი
სახალისო ამბები
შოუბიზნესი
დაიჯესტი
ქალი და მამაკაცი
ისტორია
სხვადასხვა
ანონსი
არქივი
ნოემბერი 2020 (103)
ოქტომბერი 2020 (210)
სექტემბერი 2020 (204)
აგვისტო 2020 (249)
ივლისი 2020 (204)
ივნისი 2020 (249)

№16 ნიშანი

თათია ფარესაშვილი არდაშელ თაქთირიძე

– ქრისტე აღსდგა!
– ჭეშმარიტად!
– გაიგე, წუხელ ვიღაც მაწანწალა შევარდნილა ჩვენს ეკლესიაში. შიშველი ყოფილა, ჯვალო ჰქონია ტანზე შემოხვეული. შესასვლელთან დახლი აუყირავებია:
– აქ რა ვაჭრობა გაგიმართავთო?!
მერე ეკლესიაში შესულა, ჯვარცმასთან დამდგარა, დიდხანს უყურა, თურმე. დედაო მისულა – დაბალი, მსუქანი ქალი რომ არის, უკითხავს:
– ქრისტიანი ხარო?
– არაო! - უპასუხია იმას.
– მაშინ დატოვე ეკლესიაო! – მოუთხოვია დედაოს.
– აქედან როგორ მაგდებ, შე სანთლის ქურდოო? – არ შეპუებია მაწანწალა. ხმაურზე დედა ეფემია გამოსულა, ხელი მოუკიდია და ეკლესიიდან გაყვანა მოუნდომებია.
– ხელი გამიშვი, შენ ის არ ხარ, შესაწირი სახლში რომ მიგაქვსო?! – უთქვამს იმ მაწანწალას დედა ეფემიასთვის.
– დედა ეფემიასთვის? იმ სათნო ქალისთვის? რას არ გაიგებ!
მერე, დედა ეფემიას მამაოსთვის დაუძახია. მამა მირიანი გამოსულა, აი, ჯანიანი მამაო რომ არის, მისულა და უთქვამს:
– ეკლესიაში შიშველი რატომ შემოხვედიო?!
– ტანსაცმელი არ მაქვსო! – უთქვამს მაწანწალას.
– მონათლული თუ ხარო?
– კიო!
– ჯვარს თუ ატარებო?
– მე ჯვარი უკვე ვატარეო! მამაოს საკინძე გადაუწევია მისთვის, ხის თევზი ეკიდა თურმე გულზე.
– სექტანტი ყოფილა?
– ალბათ!
– რა რჯულზე ხარ მონათლულიო? – უკითხავს მამა მირიანს.
– მამაჩემის რჯულზეო!
– მამაშენი ვინ არისო?
– ყველაფერიო!
– კი მაგრამ, სად არის მამაშენიო?
– ყველგანო! – უპასუხია მაწანწალას.
– გიჟი ყოფილა!
მამაოს მისი ეკლესიიდან გათრევა მოუნდომებია. ის გაძალიანებია:
– შენ ის მამაო არ ხარ, მრევლს აღსარებების გამჟღავნებით რომ აშანტაჟებო?! – ყვიროდა თურმე მაწანწალა.
– როგორ, მამაო განიკითხა იმ საზიზღარმა?!
– აბა, აბა, დიდი ცოდვაა! მერე, ვიღაცას პატრული გამოუძახია და ის მაწანწალა წაუყვანიათ.
– კიდევ კარგი, დიდება შენდა, ღმერთო!
скачать dle 11.3