№16 ეს საინტერესოა
* როდესაც ეზოპეს პატრონმა აზიაში წასვლა და თავისი მონების იქ გაყიდვა გადაწყვიტა, მათ უბრძანა, რომ მომზადებულიყვნენ და ტვირთიც გაენაწილებინათ. ეზოპემ ყველაზე მძიმე კალათა აირჩია, რომელშიც საჭმელი იყო. ჭკვიანმა მეიგავემ გათვალა, რომ თანდათან ტვირთი შემცირდებოდა და ბოლოს სატარებლად ცარიელი კალათა დარჩებოდა.
* ერთხელ, ცნობილი რუსი მწერალი ჩეხოვი ავად გახდა და აფთიაქში კაცი გააგზავნა აბუსალათინის ზეთის მოსატანად. აფთიაქარმა ორი დიდი კაპსულა გაუგზავნა. გაბრაზებულმმა ჩეხოვმა უკან დააბრუნა კაპსულები და ბარათიც დაურთო: „მე თქვენ ცხენი ხომ არ გგონივართ?!“ იმჯერად აფთიაქარმა, როგორც წესი და რიგი იყო, კოლოფში ჩაწყობილი ექვსი პატარა კაპსული აახლა – უბრალოდ, მას ჩეხოვის ავტოგრაფის ხელში ჩაგდება უნდოდა.
* შვეიცარიის ერთ-ერთ სოფელში, ორ გაუქმებულ რელსზე დგას საძილე ვაგონი, რომელიც ადგილობრივ მეძველმანე ვაჭარს ეკუთვნის. მას ამ ვაგონიდან საკმაოდ კარგი შემოსავალი აქვს. ღამ-ღამობით იგი ამ ვაგონს აქირავებს ახალშეუღლებულ წყვილებზე, რომელთაც საქორწინო მოგზაურობაში წასვლის საშუალება არ აქვთ.