№11 ეს საინტერესოა
* ძველ რომში აპლოდისმენტებს სამ კატეგორიად ყოფდნენ, იმის მიხედვით, რას წააგავდა მისი ხმა – ფუტკრების ბზუილს, სახურავზე წვიმის წვეთების წკაპუნს თუ თიხის ქოთნების მსხვრევას.
* გასული საუკუნის სამოცდაათიან წლებში უგანდის პრეზიდენტი დაუღალავად იჯილდოებდა თავს ორდენებითა და მედლებით. საკუთარ თავს უამრავი ტიტული და ჩინი მიანიჭა, მათ შორის მეცნიერების დარგშიც – „ყველა მეცნიერების დოქტორი“.
* 1825 წელს გერმანელმა ფარმაცევტმა შვაბემ გადაწყვიტა, სახელი გაეთქვა, როგორც ასტრონომს – აღმოეჩინა ახალი პლანეტა მზესთან ახლოს და თავის ლაბორატორიაში ტელესკოპი დადგა. თუმცა ღამისთევა გაუჭირდა და ცას დღე აკვირდებოდა. მან მართლაც გაითქვა სახელი, მაგრამ არა ახალი პლანეტის, არამედ მზეზე ლაქების აღმოჩენით.
* ხუნზანის მცხოვრებლები, იმისთვის, რომ ჭეშმარიტებას ზიარებოდნენ სრულიად თავისუფლად, ღიად, ყველას დასანახად, რიგრიგობით დადიოდნენ ეკლესიაში, მეჩეთსა და სინაგოგაში.