№11 კითხვა-პასუხი
კითხვა: მითხრეს, რომ მარილიანი წყალი სახისთვის კარგია და კანს ახალისებს, ჯანსაღ იერს უბრუნებს. როგორ გავიკეთო მარილიანი წყლის აბაზანები სახეზე?
პასუხი: ჩაყარეთ მცირეოდენი მარილი წყალში, შემდეგ დაასველეთ მასში პირსახოცი და ხელის ნელი მოძრაობით გაიწმინდეთ სახე, ან უბრალოდ, სახეზე დაიფინეთ და გაიჩერეთ 10 წუთით. მისი საშუალებით სახის კანი მართლაც განახლდება და ჯანსაღი იერი მიეცემა. პროცედურა ჩაიტარეთ საღამოს საათებში, გასუფთავებულ კანზე, კვრიაში 4-ჯერ.
კითხვა: როგორ მივანიჭო ტუჩებს უფრო სავსე იერი? მართლია, რომ ამისთვის სპეციალური მასაჟები არსებობს?
პასუხი: ამისთვის დაგჭირდებათ ნუშის ზეთი და კბილის ჯაგრისი. წაისვით ნუშის ზეთი ტუჩებზე კბილის ჯაგრისით და ნელი მოძრაობით გაიკეთეთ მასაჟი. შედეგად, თქვენი ტუჩები უფრო სქელი გამოჩნდება.
კითხვა: სახეზე გამონაყარს შველის თუ არა თაფლი და როგორ ავლაგმო ეს პრობლემა, მისი დახმარებით?
პასუხი: თუ სახეზე გამონაყარი გაქვთ, თქვენს პრობლემას თაფლი სწრაფად გადაწყვეტს. პრობლემურ ადგილას წაისვით მცირეოდენი თაფლი და გაიჩერეთ 10 წუთის განმავლობაში, ხოლო შემდეგ, თბილი წყლით ჩამოიბანეთ.