№51 მიწა ჩვენი არსობისა
დონალდ ტრამპის მიერ იერუსალიმის ისრაელის დედაქალაქად აღიარებამ, თუმცა ბრიუსელმა ცივი უარით გამოისტურმა ისრაელის პირველკაცი (ანუ ევროკავშირი არ აპირებს მიჰყვეს აშშ-ს) და გაერომაც თავი აარიდა ამ გადაწყვეტილების მიღებას, დიდი ვნებათაღელვა გამოიწვია მუსლიმანურ სამყაროში, იმას გარდა, რომ ისრაელსა და პალესტინას შორის სამხედრო დაპირისპირება უფრო მასშტაბური გახდა.
მეტიც, თურქეთის პრეზიდენტმა „ისლამური თანამშრომლობის ორგანიზაციის“ სამიტზე საერთაშორისო თანამეგობრობას იერუსალიმის პალესტინური სახელმწიფოს დედაქალაქად აღიარებისკენ მოუწოდა (თუ ბიჭია, თავად აღიაროს პირველმა!).
ნაკლებ სავარაუდოა, საერთაშორისო საზოგადოებამ ყურად იღოს ეს მოწოდება (იმიტომ რომ, კვლავ თელავივს აღიარებს ისრაელის დედაქალაქად), თუმცა შესაძლოა, რომ ისლამურმა ქვეყნებმა აღიარონ, მათმა ნაწილმა მაინც, ანუ იერუსალიმი აწ უკვე პალესტინის დედაქალაქად.
ასე იქნება თუ ისე, საქმეს კოჭებშივე ეტყობა, რომ ასე მარტივად ვერ გადაწყდება და ვერც დასრულდება, ხოლო, სანამ აღმოსავლეთი და დასავლეთი ერთმანეთს ეჭიდავებიან, არც ისაა გამორიცხული, საბოლოოდ, კვლავ ჩვენ შეგვხვდეს იერუსალიმის კლიტენი (ბოლოს და ბოლოს, ორჯერ გვეპყრა ხელთ და ქართველი მეფეების გარდა, იერუსალიმში ცხენზე ამხედრებული ვერც ვერავინ შედიოდა)! –