№47 დავითის კვალდაკვალ
ანუ „ისმინე, სწავლის მძებნელო!“
ისე მოხდა, რომ ნაცარქექიაც ადგილზეა და თვით კომბლეც, მაგრამ აი, საქართველოს განათლებისა და მეცნიერების მინისტრი (მოფერებით – ზღაპართყლაპია), ალექსანდრე ჯეჯელავა დაგვემშვიდობა.
დაგვემშვიდობა რა, უფრო ზუსტად, პოსტს გამოამშვიდობეს (რეალური მიზეზი უცნობია), თუმცა, თავად ნამინისტრალის თქმით, აპირებს, რომ თავის ძველ საქმიანობას დაუბრუნდეს, იმას გარდა, რომ სწავლაც განაგრძოს ოკეანის გაღმა (მოტივით: „ისმინე, სწავლის მძებნელო…“).
მეტიც, თუ ნამინისტრალს ვენდობით, მას ადრევე ჰქონდა დაგეგმილი 2017 წლისთვის აშშ-ში სწავლის გაგრძელება, მაგრამ მინისტრობა ხელს უშლიდა (ეს რეფრენი ჩემია, მას არ დაუკონკრეტებია, რამ შეუშალა ხელი), მაგრამ ახლა უკვე მტკიცედ გადაუწყვეტია, რომ ჩააბაროს გამოცდები და აშშ-ში დაეუფლო დოქტორის ხარისხს.
რაკი ნათქვამია, სწავლა სიბერემდეო, ცხადია, ბ-ნი ჯეჯელავას გადაწყვეტილება მისასალმებელია, ოღონდ, თუ გავიხსენებთ, რომ ის უკვე რიგით მეორე განათლებისა და მეცნიერების მინისტრია (ამ საქმის პიონერი თვით ნიკა გვარამიაა), რომელიც ამ პოსტზე მუშაობის შემდეგ დასავლეთს ეწვია განათლების გასაღრმავებლად, უკვე ნასწავლები რომ დავნიშნოთ ამ თანამდებობაზე მაინც, ვითომ შთამომავლობა შემოგვიწყრება?! –