№41 კითხვა-პასუხი
კითხვა: რომელი ტონალური ჯობია სახეზე – კრემოვანი თუ თხევადი?
პასუხი: კრემოვანი ტონალური, იდეალურია მშრალი კანისთვის. მისი კრემოვანი ტექსტურა კვებავს მშრალ კანს, რის შემდეგაც სახის კანი იდეალურად გამოიყურება. თხევადი ტონალური კი კარგია ნებისმიერი ტიპის კანისთვის.
კითხვა: როგორ მოვამზადო მარტივად სახლის პირობებში, კვერცხისგან გამწმენდი სახის ნიღაბი, რომელიც ღრმად წმენდს კანს?
პასუხი: კვერცხის ნიღაბი, მართლაც პროფესიონალურად წმენდს სახის კანს, აცილებს ფერიმჭამელებსა და ცხიმგროვებს. ყველა შავი წერტილი ხელსახოცზე რჩება. ათანაბრებს სახის კანის ფერს და არბილებს მას.
ნიღბის მოსამზადება კი, ასე ხდება: 1 კვერცხის ცილა და გული გააცალკევეთ ერთმანეთისგან. ორივე ცალ-ცალკე ათქვიფეთ. გაისუფთავეთ სახე და ათქვეფილი ცილა წაისვით ზედ, ზემოდან დაიკარით ხელსახოცი. ნახევარი საათის შემდეგ, სანამ ნიღაბი სრულად არ გაშრება და ხელსახოცი არ გაქვავდება, მანამდე არ აიღოთ ის კანიდან. შემდეგ ხელსახოცი, ნელ-ნელა აიცილეთ სახიდან – ზევიდან ქვევით. სახე ჩამოიბანეთ თბილი წყლით და წაისვით ათქვეფილი კვერცხის გული, რომ კანი დარბილდეს და დატენიანდეს. გაიჩერეთ 10 წუთი და დაიბანეთ თბილი წყლით. თავად დაინახავთ, სახის კანი როგორ დარბილდება და გასუფთავდება.