„ნატახტარის ლიმონათის” ჯადოსნური გათამაშება 20 მაისიდან დაიწყო. გათამაშების ერთ-ერთი იღბლიანი გამარჯვებული უკვე გამოვლინდა – პარიზის „დისნეილენდის“ 4-კაციანი საგზურის მფლობელი თამარ რაზმაძეა.
 თამარ რაზმაძე თბილისის მკვიდრია. ჰყავს მეუღლე და 3 შვილი. მოგებაზე არასდროს უოცნებია. როგორც თავად ამბობს, მას ეს ყველაფერი დაუჯერებლად მიაჩნდა. თუმცა, „ნატახტარის ლიმონათის“  მართლაც „ჯადოსნურმა გათამაშებამ“ ეს დამოკიდებულება რადიკალურად შეუცვალა: „მოგების არასდროს მჯეროდა და მოულოდნელი იყო. თავი ახლაც სიზმარში მგონია. მაშინვე მეუღლეს ვახარე. მან კიდევ მეტად გამახარა, როცა გამაგებინა, რომ პარიზის „დისნეილენდში“ ორკაციანი კი არა, ოთხკაციანი საგზური მოვიგეთ. ეს უფრო დიდი ბედნიერება იყო, რომ ბავშვებიც გაიზიარებდნენ ჩვენს სიხარულს. სასიხარულოა ისიც, რომ კომპანია „ნატახტარმა“ საგზური მესამე ბავშვზეც გვაჩუქა. ანუ, გამოდის, რომ მთელი ოჯახი მივემგზავრებით”.
ქალბატონი თამარის ოჯახი ხშირად ყიდულობს „ნატახტარს” და მისი ერთგული მომხმარებელია. არასდროს ყოფილა „დისნეილენდში“. როგორც თავად ამბობს, ბავშვობის  ოცნებასავით იყო: „ძალიან მიყვარს „ნატახტარის ლიმონათი“. ხშირად ვყიდულობ, განსაკუთრებით მაშინ, როცა ბავშვებთან ერთად ვსეირნობთ.  არასდროს ვყოფილვარ „დისნეილენდში“ და სულ იქ წასვლაზე ვოცნებობდი. პატარებსაც ვპირდებოდი, რომ ოდესმე წავიყვანდით. მაგრამ, ასე, მთელი ოჯახით რომ წავსულიყავით, ალბათ, კიდევ დიდი ხანი ვერ შევძლებდით. ამიტომაც, ეს ნამდვილი სიურპრიზი იყო ჩვენთვის. სიმართლე გითხრათ, არც ველოდი და ვერც დავიჯერე. რომ წავიკითხე, ვიფიქრე, მეჩვენება-მეთქი. თურმე არ მეჩვენებოდა, მართალი იყო... ოცნებები ხდება!”скачать dle 11.3