ანუ ოკუპაციებში დაკარგულები 


თუმცა ნახანძრალი იარების მოშუშებით ვიყავით დაკავებულები, მაინც არ გამოგვპარვია ინფორმაცია, რომ თბილისის 166-ე საჯარო სკოლის ექვსი მოსწავლე რუსული ენის გასაუმჯობესებლად ყირიმში, „არტეკის“ საერთაშორისო საბავშვო ცენტრში გამგზავრებულა.
ჩვენებურ მოსწავლეებს აღუნიშნავთ, რომ რუსული ენის ცოდნა საჭიროა. ცხადია, საჭიროა, სხვა რომ არაფერი, მტრის ენას უნდა ფლობდე, თუ უნდა ფლობდე!
პროექტი საერთაშორისოა (ღონისძიებაში კი მონაწილეობას იღებს 26 ქვეყნის წარმომადგენელი, 20 პედაგოგი და 170 სკოლის მოსწავლე, ორგანიზატორია რუსული ენის საბჭო, რომელიც რუსეთის მთავრობის ფარგლებში ფუნქციონირებს) და, ერთი შეხედვით, თითქოს არაფერია უჩვეულო, რომ არა ერთი მაგრამ: ყირიმი რფ-მ უცერემონიოდ წაართვა უკრაინას და მიიერთა.
და თუმცა მინისტრი ალექსანდრე ჯეჯელავა დაგვპირდა, რომ არამკითხე ინიციატორებს საკადრისად დასჯის, 166-ე სკოლაში, თუ ყირიმის ანექსიის ამბავიც არ სმენიათ, ვითომ არც რფ-ის მიერ საქართველოს ოკუპაციის ფაქტს აღიარებენ?! –
скачать dle 11.3