№30 კალაშნიკოვის მოლოდინში
ანუ ფეხის საწმენდი ჩვარი?!
„პატრიოტთა ალიანსის“ რამდენიმეკაციანმა დელეგაციამ ოკუპანტის გული – მოსკოვი მოიარა და, როგორც თავად გვამცნეს, მოლაპარაკებებიც გამართეს რფ-ის „დუმის“ დსთ-ს ქვეყნების კომიტეტის თავკაცთან, რომელსაც ფრიად სიმბოლური გვარი აქვს: კალაშნიკოვი.
მხარეები შეხვედრით კმაყოფილნი ბრძანდებიან, თუმცა ჩვენთვის არავის გაუმხელია, არც წასვლამდე და არც ჩამოსვლის შემდეგ, კონკრეტულად, რა გეგმას მიჰყვებიან ქართველი პარლამენტარები, აქვთ თუ არა შესაბამისი ლეგიტიმაცია (თორემ შეხვედრას ვინ ვის დაუშლის?!) ან რის იმედით აიღეს საკუთარ თავზე ეგზომ მძიმე მისია, იმას გარდა, თუ რა გარანტიები აქვთ, რომ გაცუცურაკებულები არ დარჩებიან?!
იმედით თუ უიმედოდ, შევიტყვეთ, რომ უახლოეს მომავალში ტერიტორიებოკუპირებული საქართველოს გულში, ანუ თბილისში აწ უკვე „დუმელები“ გვეწვევიან. და სავსებით ცხადია, რომ ამ პერსპექტივამ აზრთა სხვადასხვაობა გააჩინა (ან კი როგორ არ გააჩენდა?!).
მეორე მხრივ, ლაპარაკი აუცილებელია, იმიტომ რომ, ადამიანი სოციალური არსებაა, რაც გულისხმობს, პრობლემები უნდა მოაგვაროს ენითა და გონებით (განსაკუთრებით, თუ ღონის პრობლემა აქვს, როგორც ჩვენ), თუმცა ვითომ იმ „დუმელებს“ გული აუჩუყდებათ, მავთულხლართებთან რომ მიიყვანენ თუ საქართველოს გამარჯვებისას იტყვიან დიდრონი ყანწებით (ანუ დიპლომატია ფეხის საწმენდ ჩვრად ქცევას არ ნიშნავს!)?! –