№28 „იუჟნაია ოსეტიას“ არქიტექტორი
ანუ ლენჩი… ელჩი…
ოკუპაციამდე, ეგრეთ წოდებული სამშვიდობო ძალების სარდალი მარატ კულახმეტოვი, აწ დიპლომატად მოგვევლინა და „იუჟნაია ოსეტიაში“ განა ლენჩად?! „ელჩად“ განწესდა.
დიპლომატიურ ფრონტზე კი 2011 წელს გადაუნაცვლებია – რფ-ს საგარეო უწყებაში თვით ლავროვის მრჩევლის პოსტს იკავებდა, თურმე. ადვილი მისახვედრია, ბოსტანთმპყრობელთა მიმართ რა დამსახურებისთვის აღაზევეს ერთი რიგითი სალდაფონი.
შესაძლოა, ამ ფაქტის აღსანიშნავად (ოფიციალური ინფო გვაუწყებს: „მარატ კულახმეტოვი ოკუპირებულ „იუჟნაია ოსეტიაში“ რუსეთის ე. წ. ელჩის თანამდებობაზე მუშაობას შეუდგა. მან დე-ფაქტო „პრეზიდენტ“ ანატოლი ბიბილოვს ე. წ. რწმუნებათა სიგელები გადასცა) გამაგრდნენ საოკუპაციო ხაზთან მორიგ ბაღ-ბოსტნებში ოკუპანტ-სეპარატისტები.
თავის მხრივ, გამოდიპლომატებული კულახმეტოვი „პრ.“ ბიბილოვს დაჰპირდა, რომ ხელს შეუწყობს „იუჟნაია ოსეტიას“, გახდეს თანამედროვე „სახელმწიფო“, უზრუნველყოფს მის უსაფრთხოებასა და სოციალურ-ეკონომიკური სფეროს განვითარებას.
ერთი მხრივ, ლენჩ-ელჩ მარატს ამოუვა ხუჭუჭა თმა და მეორე მხრივ, „იუჟნაია ოსეტია“ გახდება თანამედროვე „სახელმწიფო“. –