№25 დიდი გასეირნება
ამბობს ჩრდილოეთს, გულისხმობს სამხრეთს?!
რფ-ის პრ.-მა ვლ. პუტინმა გასულ კვირას გაგვანდო, რომ ისლამური სახალიფო რუსეთის სამხრეთ რეგიონებში დესტაბილიზაციას გეგმავს.
ხოლო, რაკი მან ეს შანხაის თანამშრომლობის ორგანიზაციის სამიტზე განაცხადა, შესაბამისად, ორგანიზაციის წევრების – ჩინეთის, რუსეთის, ყაზახეთის, ტაჯიკეთის, ყირგიზეთისა და უზბეკეთის – სპეცსამსახურებს კოორდინებული მუშაობისკენაც მოუწოდა.
ზედაც, დასძინა, რომ ამ საფრთხის კვალი პეტერბურგის ტერაქტის გამოძიების შედეგად დადგინდა (არა მხოლოდ ჩრდილო კავკასიაში, არამედ ცენტრალურ აზიაშიცო).
უცნაური ისაა, რატომ არ მოიხსენია პრ. პუტინმა ჩრდილო კავკასია ჩრდილოეთად და, მაინცდამაინც, სამხრეთი ახსენა, თუმცა არც ისაა გამორიცხული, რომ შიშს დიდი თვალები ჰქონდეს („შეშინებულში“ საკუთარ თავს ვგულისხმობ), ამიტომაც მოხვდა ამ ჩემს მისგან დაშინებულ ყურს „სამხრეთი“.
შიშს რომ თავიც დავანებოთ, თუ გავიხსენებთ, რომ ჩრდილო კავკასია სამხრეთს ესაზღვრება, მეტიც – კავკასიონი კარგა ხანია, გადმოლახეს ოკუპანტებმა და ცხინვალთანაც დაგვისკუპეს თავიანთი სამხედრო ბაზა, არც ისაა გამორიცხული, რომ, ისლამისტებისგან დაცვის მოტივით, ჩვენკენაც შემოისეირნოს?! –