№23 ილეთმაისტერი
ანუ ორივე მიხეილი და ორივე სააკაშვილი
სანამ ჩვენ საპარლამენტო ასამბლეას ვმასპინძლობდით, კიევში ამ ჩვენსა და ოდესელების ყოფილის მომხრეებსა და უკრაინელ სამართალდამცველებს შორის შეხლა-შემოხლა გაიმართა.
სახელდობრ, უკრაინის იუსტიციის სამინისტროს შენობასთან, რაკი ოდესის ნაგუბერნატორალის მომხრეებმა იქ საპროტესტო პლაკატები გამოფინეს.
მათი პროტესტი კი იმან გამოიწვია, რომ საკუთარი პარტიის რეგისტრაციაში გატარება ვერ მოახერხეს, იმ მარტივი მიზეზით, რომ, როგორც თავად ამბობენ, მიხეილ სააკაშვილის სახელობის ყალბი პარტიაა უკვე დარეგისტრირებული („ბლოკი მიხეილ სააკაშვილი“).
ხოლო უკრაინის გენპროკურორის ექსმოადგილემ დავით საყვარელიძემ ის პერსონაც დაასახელა, ვის მიერაცაა ჩადენილი ეს მზაკვრობა, ანუ ვინც მოიპარა მიხეილ სააკაშვილის სახელი და რიტორიკულადაც კი მიმართა: პიოტრ ვასილის ძევ, ნუთუ, ფიქრობთ, რომ ასეთი იაფფასიანი ილეთები გაგივათო?!
მეორე მხრივ, თუ ქართულ პოლიტიკაში ამ ხსენებული ორი ჩვენი თანამემამულე ბატონის მიერ ჩატარებულ ილეთებს გავიხსენებთ, მათ შორის, მათივე განაყარი „გირჩებისთვის“ დომეინის წართმევისა, ვითომ პიოტრ ვასილის ძეს რატომ არ უნდა გაუვიდეს – იაფფანსიანი ილეთების ჩატარების ექსკლუზივი აქვთ?! –