2017 წლის 9 აპრილს „ფაბრიკაში“ ჩატარდა არასამთავრობო ორგანიზაცია „რეგიონული განვითარების საზოგადოების სასტიპენდიო ფონდის” საღამო,  სადაც წარმოადგინეს ფონდის ორწლიანი საქმიანობის შედეგები.
 სასტიპენდიო ფონდი 2015 წლიდან აფინანსებს რეგიონებში მცხოვრებ,  სწავლაზე ორიენტირებულ სტუდენტებს, რომლებმაც ჩააბარეს  ეროვნული გამოცდები და ჩაირიცხნენ სახელმწიფო უნივერსიტეტებში, მაგრამ სოციალური პირობების გამო, ვერ მოახერხეს სახელმწიფო გრანტის მოპოვება. სასტიპენდიო ფონდს უკვე 23 სტიპენდიანტი ჰყავს დაფინანსებული: გორის, სამცხე-ჯავახეთის, აკაკი წერეთლის (ქუთაისის) და სოხუმის სახელმწიფო უნივერსიტეტებში. ფონდის საღამოზე მოწვეული სტუმრები იყვნენ: საქართველოს განათლების მინისტრი, ახალციხის, ქუთაისისა და გორის სახელმწიფო სასწავლო უნივერსიტეტების წარმომადგენლები, განათლების ექსპერტები, ფონდის დონორები და სტიპენდიანტები, რომლებმაც ისაუბრეს ფონდის მნიშვნელობაზე განათლების სფეროში. საზეიმოდ გაფორმდა მემორანდუმი სასტიპენდიო ფონდ სამოქალაქო განვითარების ინსტიტუტსა და უნივერსიტეტებს შორის. ფონდი სამომავლოდ გეგმავს ზუგდიდისა და თელავის უნივერისტეტებთან თანამშრომლობას.