კითხვა: მართალია, რომ ზოგი ბოსტნეული თუ ხილი წონაში მომატებას უწყობს ხელს და მისი ჭამა დიეტის დროს არ არის სასურველი? ამ მხრივ, რომელ ბოსტნეულსა და ხილს მოვერიდო?
პასუხი: ზოგი ბოსტნეული ხელს უშლის თიროქსინის გამოყოფას, ამიტომ აჯობებს, შეამციროთ ბროკოლის, კომბოსტოს, ატმის, სოიის მოხმარება. თუკი ამ პროდუქტებს კარგად მოხარშავთ, შეგიძლიათ, მიირთვათ. ასევე, მნიშვნელოვანია დიეტის დროს იოდის შემცველი პროდუქტების მიღება. ასეთია: ზღვის წყალმცენარეები, თევზეული, მოლუსკები, ნატურალური იოგურტი და მუქ-მწვანე ფოთლოვანი ბოსტნეული, მაგალითად, ისპანახი. ასევე,ზომიერი ვარჯიში ამცირებს ცხიმის დონეს და ხელს უწყობს ცხიმის გადამუშავებას. მთავარია, იმოძრავოთ ისე, რომ არ გადაიღალოთ და გამოიფიტოთ.
კითხვა: რამდენად საჭიროა კისრის და მკერდის ზონაში კანის მოვლა? სახის კანს, ყოველდღიურად ვუვლი, რომ ნაადრევი სიბერის კვალი დავფარო.
პასუხი: როცა, სახის კანის პარალელურად, არ უვლით კისრისა და მკერდის არეს, ეს ნაწილი ხელებთან ერთად, მიუხედავად სახის მდგომარეობისა, ნათლად წარმოაჩენს ასაკობრივ ნაკლოვანებებს. ამიტომ, მნიშვნელოვანია, მათზე ლოსიონებითა და ასაკის შესაბამისი პროდუქციით ზრუნვა.
კითხვა: სახეზე მაქვს ცხიმგროვები. ამის გამო, როგორც კი მზიანი ამინდი გამოვა, მზეს ვეფიცხები, რომ ის გაქრეს. არ ვხმარობ მზისგან დამცავ კრემებს. ეს ცუდად ხომ არ აისახება ჩემს კანზე?
პასუხი: დამცავის გამოყენება აუცილებელია, ოღონდ მნიშვნელოვანია, იცოდეთ დოზა. მცდარია ინფორმაცია, რომ მზის სხივები აშორებს ცხიმგროვებს სახიდან. თუ მსგავსი პრობლემა გაქვთ, გამოიყენეთ არაზეთოვანი კრემი SPF შემცველობით.