შავი ზღვის საერთაშორისო უნივერსიტეტის სოცილურ მეცნიერებათა ფაკულტეტის მოწვევით,  გაიმართა საქართველოში ევროკავშირის ელჩის, იანოშ ჰერმანის საჯარო ლექცია – „გადაწყვეტილების მიღების პროცესის გამოწვევები საქართველოს ევროინტეგრაციის გზაზე”.
საჯარო ლექცია ჩატარდა ფაკულტეტის მიერ ორგანიზებული პროექტის – „გადაწყვეტილების მიღების პროცესის გამოწვევები საქართველოს საშინაო და საგარეო პოლიტიკაში“ ფარგლებში.
სტუმარმა სტუდენტებთან  ისაუბრა ევროკავშირის წინაშე არსებული პრობლემების, საქართველოსა და ევროკავშირის ორმხრივი თანამშრომლობის შესახებ და სხვა მნიშვნელოვან საკითხებზე.
„უკვე მეორედ ვარ შავი ზღვის საერთაშორისო უნივერსიტეტში. ჩემთვის დიდი პატივია სტუდენტებთან შეხვედრა. ჩვენ ვისაუბრეთ ყველა მნიშვნელოვან საკითხზე, მათ შორის, ევროკაშირისა და საქართველოს ურთიერთობებზე. შეხვედრის მიზანი იყო ახალგაზრდების ინფორმირება მიმდინარე პროცესებზე“, – განაცხადა იანოშ ჰერმანმა.