ჩვეულებრივ სოდას ბევრი იყენებს სამზარეულოში, მაგრამ ცოტამ თუ იცის, როგორ გამოიყენოს ის, როგორც კოსმეტიკური საშუალება. სოდის ეფექტურობაზე კოსმეტიკასა და ყოველდღიურ ცხოვრებაში, ქვემოთ ამოიკითხავთ:
სახის სკრაბი – შეურიეთ სოდა წყალს პროპორციით 3:1 და გამოიყენეთ, როგორც სახის სკრაბი. შედეგი გაგაოცებთ.
გაწმინდეთ სავარცხელი – სავარცხლიდან ჭუჭყის მოცილება ძნელია, მით უმეტეს, თუ ის მრგვალია. შეურიეთ სოდა და წყალი ისე, რომ მიიღოთ სქელი, ფაფისებრი მასა. მოათავსეთ სავარცხელზე და ნელა გაწმინდეთ.
მოიშორეთ ნუნები – თუ ნუნების მოშორება გიჭირთ, სოდისა და წყლისგან გააკეთეთ ფაფისებრი მასა. აიღეთ ძველი კბილის ჯაგრისი და მისი საშუალებით მსუბუქად გაიწმინდეთ ნუნები.
რბილი ფეხის ქუსლები – 3 სადილის კოვზი სოდა გახსენით წყალში და ჩააწყვეთ მასში ფეხები წყლის გაგრილებამდე. სოდა დაარბილებს და დაამშვიდებს ფეხის კანს და ქუსლებს.
გამონაყარი – შეურიეთ სოდა ლიმონის წვენს ისე, რომ მიიღოთ ფაფისებრი მასა. მოათავსეთ გამონაყარზე, დაელოდეთ გაშრობას და ჩამოიბანეთ თბილი წყლით. სიწითლე მალე გაქრება. გაითვალისწინეთ, ლიმონი კანს აშრობს, ამიტომ ბევრი არ მოგივიდეთ.
შავი წერტილები – სოდა არაჩვეულებრივად აცილებს შავ წერტილებს. შეურიეთ 1 სადილის კოვზი სოდა და მეოთხედი ჭიქა რძე. წაისვით სახეზე წრიული მოძრაობით და ჩამოიბანეთ თბილი წყლით. უკეთესი შედეგისთვის შეგიძლიათ, პროცედურა გაიმეოროთ.