გმირი – დაფნის გვირგვინის გარეშე #46
ანუ „ოქროს ურდო უმჯობესია“
სანამ ჩვენ ოკეანისგაღმურ საპრეზიდენტო არჩევნებს ვიყავით მიყურადებულები, ამ ჩვენს ჩრდილოეთით 1917 წლის ოქტომბრის სოციალისტური რევოლუციის 99-ე წლისთავი იზეიმეს, რომელსაც, ცხადია, რუს კომუნისტთა ლიდერი, გენადი ზიუგანოვიც დაესწრო.
არათუ დაესწრო, სიტყვითაც გამოვიდა და, მაგალითად, საბჭოთა წარსული მომავლის შუქურად შერაცხა და ზეიმის მონაწილეებს ბელორუსის პრეზიდენტ ლუკაშენკოს მხურვალე სალამიც გადასცა (მოგესალმებიან მოცეკვავე ოფოფები).
საგულისხმოა, რომ ამ ზეიმს მხოლოდ გულდამწვარი კომუნისტები არ დასწრებიან (არმიის მხარდამჭერი მოძრაობა, საერთო რუსული ქალთა მოძრაობა, ახალგაზრდობის ლენინურ-კომუნისტური კავშირი, საბჭოთა ოფიცერთა კავშირი).
რაც მთავარია, გენადი ზიუგანოვმა განაცხადა, რომ არც ძალას დაიშურებს და არც ღონეს საბჭოთა კავშირის აღსადგენად. არადა – მე კი მგონია, რომ ოქროს ურდოს აღდგენა აჯობებდა. –