კითხვა:  რეკომენდებულია თუ არა იღლიაში ეპილატორის გამოყენება?
პასუხი: ზოგიერთი ეპილატორი განკუთვნილია მხოლოდ ცალკეული ზონებისთვის – სახე, ფეხები, იღლიები, ბიკინის ზონა თუ ყველა ერთად. უმრავლესობას შეუძლია თმის მოცილება ნებისმიერი ზონიდან. იღლიის ზონის ეპილაციისთვის გამოიყენება პირი, რომელსაც აქვს ნაკლები პინცეტი, ჭიმავს კანს და ნაკლებად მტკივნეულს ხდის პროცესს.
კითხვა: მაინტერესებს, იღლიაში ალექსანდრიტის ლაზერით ეპილაცია მართლა იწვევს მკერდის არეში ჯირკვლების გადიდებას და ანუ საზიანოა?
პასუხი: ლაზერული ეპილაცია უსაფრთხოა, თუმცა აქვს უკუჩვენებები. ლაზერული ეპილაციის უკუჩვენებაა: კანის მწვავე და ქრონიკული დაავადებები – ეგზემა, ფსორიაზი და სხვა, შაქრიანი დიაბეტის დეკომპენსაციური სტადია, ვარიკოზული დაავადება, ჰიპერტონიული დაავადებისა და გულის იშემიური დაავადების მძიმე ფორმები, კელოიდური დაავადება, კანის ავთვისებიანი წარმონაქმნები, ჰერპესი, ონკოლოგიური დაავდებები, ორსულობა.
კითხვა: მაქვს მშრალი კანი და ხშირად მექერცლება. არის თუ არა დასაშვები, რომ ტონალური კრემის ქვეშ საბავშვო ზეთი, მაგალითად, „ჯონსონს ბეიბი“ წავისვა? ან რას მირჩევთ?
პასუხი: უმჯობესია, ტონალური კრემის ქვეშ იხმაროთ ასაკობრივი ჯგუფის შესაბამისი დამატენიანებელი.
კითხვა: ყოველდღე ვიბან თავს, ამ ბოლო დროს შევნიშნე, რომ დამეწყო თმის ინტენსიური ცვენა. საკმაოდ დიდი რაოდენობით თმა მცვივა და ისედაც თხელი თმა მაქვს. იქნებ მირჩიოთ, რა გავაკეთო?
პასუხი: აუცილებლად უნდა დააზუსტოთ, ხომ არ გაქვთ ანემია, ამისთვის კი საჭიროა სისხლის საერთო ანალიზის გაკეთება; ანდა ფარისებრი ჯირკვლის ფუნქციის დაქვეითება, რაც უნდა განისაზღვროს სისხლში TSH-ის გარკვევით. თუ ეს გამოირიცხება, უნდა მიმართოთ დერმატოლოგს, რათა დადგინდეს თმის ცვენის მიზეზი და დაინიშნოს მკურნალობა.