ანუ „ტიტანების შერკინება“?!

 გასულ კვირას გორის საკრებულოში დიდი აურზაური იყო (ოღონდ ამჯერად არა სტალინის ძეგლის ყოფნა-არყოფნის გამო). საქმე ის გახლავთ, რომ სხდომაზე სამანდატო-საპროცედურო კომიტეტის თავმჯდომარის თამარ თედლიაშვილის იმპიჩმენტის საკითხი უნდა განხილულიყო.
მთავარი კი ის არის, რომ ქ-ნი თედლიაშვილი „თავისუფალი დემოკრატია“, ხოლო მისი იმპიჩმენტის საკითხი კი დღის წესრიგში ირაკლი ოქრუაშვილის პარტიის წარმომადგენლებმა დააყენეს.
თავის მხრივ, „თავისუფალი დემოკრატების“ ლიდერმა ეს აქტი თავის პარტიაზე ზეწოლად შეაფასა, ამიტომაც თავი მოვალედ შერაცხა, რომ საკრებულოს სხდომას დასწრებოდა. მისი წამოსვლის შემდეგ კი იმავე სხდომაზე ირაკლი ოქრუაშვილი გამოცხადდა.
ხოლო, თუ გავიხსენებთ, რომ ორივენი (ჯერ – ირაკლი ოქრუაშვილი, შემდეგ – ირაკლი ალასანია) საქართველოს თავდაცვის უწყებას ხელმძღვანელობდნენ და, წესითა და რიგით, ბირთვულსა და ოკუპანტ რუსეთს უნდა ერკინებოდნენ, მათ კი დაპირისპირების ასპარეზად, იმას გარდა, რომ ერთმანეთი, გორის საკრებულო აურჩევიათ, ჩნდება ეჭვი, რომ ეს ჩვენი თავდაცვის მინისტრები ძალუმად ჩამოლაბორანტებულან?! –