ქორწინება სერიოზული საკითხია და გონივრულ მიდგომას მოითხოვს. კარგად დაფიქრდით: როგორი გინდათ, იყოს თქვენი კავშირი პარტნიორთან, რათა მომავალში თავიდან აიცილოთ მოსალოდნელი გართულებები? გულახდილად უპასუხეთ შეკითხვებზე:
1. თქვენი მშობლების ქორწინება ჰგავს:
ა) იდეალურ პარტნიორობას. მტრედებივით ღუღუნებენ;
ბ) „თავისუფლების ქარტიას“;
გ) აფეთქებულ ვულკანს – მუდმივი ექსტრიმია.
2. სამუშაოდან დაბრუნებული მეუღლეები ვალდებულები არიან:
ა) ერთად მიხედონ საქმეს და მერე უყურონ ტელევიზორს;
ბ) მოიფიქრონ, მხიარულად როგორ გაატარონ საღამო;
გ) ხელი შეუწყონ ერთმანეთს დასვენებაში. 
3. როგორ ფიქრობთ, ყველაზე მეტად რა აახლოებს ადამიანებს?
ა) ყოველდღიურობა;
ბ) საერთო ინტერესები;
გ) სექსი.
4. მიგაჩნიათ, რომ ოჯახური ცხოვრება აგებული უნდა იყოს:
ა) სიყვარულსა და ურთიერთპატივისცემაზე;
ბ) ნდობასა და თავისუფლებაზე;
გ) შვილებზე ზრუნვაზე.
5. დარწმუნებული ხართ, რომ თქვენს ქორწინებაში...
ა) სიყვარული მოსპობს ყველა ბარიერს;
ბ) ვიცხოვრებთ ვალდებულებების გარეშე;
გ) ჩვენი ურთიერთობა ემოციებისა და გრძნობების ვულკანი იქნება.
ნახეთ შედეგები
როცა პასუხების უმეტესობა არის „ა“ ვერსია: თქვენთვის ქორწინება მხოლოდ ტრადიციული შეიძლება იყოს, სხვანაირად ვერ წარმოგიდგენიათ. დარწმუნებული ხართ, რომ ოჯახში მამაკაცი უნდა იყოს დომინანტი  – მონადირე და შემომტანი; ცოლმა კი უნდა უერთგულოს, მოუაროს და დაამშვიდოს ის. ეს ყველაფერი ძალიან კარგია, მაგრამ ოჯახში ცოტა თანასწორობაც მნიშვნელოვანია.
პასუხების უმრავლესობაა ვერსია „ბ“: არ ხართ მომხრე სტერეოტიპული წარმოდგენისა, რომ ქორწინება არის სამუდამო. მეუღლე თქვენთვის უნდა იყოს მეგობარი და საიმედო პარტნიორი, რომელსაც ყველაფერში დაეყრდნობით. ოჯახში თავს მშვიდად და თავისუფლად უნდა გრძნობდეთ  და ამისათვის ყველაფერს გააკეთებთ – აპატიებთ კიდეც მეუღლეს და მისცემთ შანსს!
თუ პასუხების უმრავლესობა არის „გ“ ვერსია: ფიქრობთ, რომ ოჯახური რუტინა თქვენთვის არ არის. დარწმუნებული ხართ, რომ ქორწინება კლავს ვნებასა და ურთიერთლტოლვას. ამიტომ პარტნიორთან მხოლოდ იმ შემთხვევაში იცხოვრებთ ხანგრძლივად, თუკი არ შეგეზღუდებათ თავისუფლება და არ დაგეკისრებათ ვალდებულებები.